बाजुरा– बाजुराको सदरमुकाम मार्तडीमा रहेको बडिमालिका नगरपालिकाको मेयर उपमेयरमा नेकपा एमालेका उम्मेदवार विजयी भएका छन् । मेयरमा अम्मरबहादुर खडका र उपमेयरमा नन्दाकुमारी थापा विजयी भएका छन् ।
विजयी खडकाले ४ हजार ९ मत ल्याएका छन् भने उनका प्रतिस्पर्धी नेपाली काँग्रेसका धनराज पण्डितले ३५ सय ५२ मत ल्याएर पराजय भए । त्यस्तै उपमेयरमा विजयी थापाले ४ हजार २ सय ३३ मत ल्याइन् । उनका प्रतिस्पर्धी राधिकाकुमारी सिंहले ३ हजार ३ सय ५१ मत ल्याइन् ।
९ वटा वडा रहेको बडिमालिकामा ७ वटा वडा नेकपा एमाले र २ वटा नेपाली काँग्रेसले जितेको छ । २०७४ सालको स्थानिय चुनावमा नगरप्रमुख र उपप्रमुख दुबै नेपाली काँग्रेसले जितेको थियो । बडिमालिका नगरपालिकालाई एमाले र काँग्रेसले अस्तित्वको लडाइका रुपमा लिएका थिए ।
Facebook Comments Box