कैलाली– डडेल्धुरामा हायस दुर्घटना भएको छ । धनगढीदेखि डोटी गइरहेको हायस केआइ सिंह राजमार्ग अन्तर्गत डडेल्धुराको रडुवाखोलामा दुर्घटना भएको जिल्ला प्रहरी कार्यालय डडेल्धुराले जनाएको छ।
सुपप्र ०१००१ख ३१०९ नम्बरको उक्त हायस दुर्घटनामा परि ९ जना घाइते भएको प्रदेश ट्राफिक कार्यालय अत्तरियाले जनाएको छ। तीमध्ये कैलालीको गोदावरी नगरपालिका–८ बस्ने कृष्णा अधिकारी गम्भीर घाइते भएकी छन् । उनलाई डडेल्धुरा अस्पतालले रेफर गरेको छ। अन्यको डडेल्धुरा अस्पतालमै उपचार भइरहेको प्रहरीले जानकारी दिएको छ।
ब्रेक फेल भइ अनियन्त्रित भएर उक्त हायस दुर्घटनामा परेको जिल्ला प्रहरी कार्यालय डडेल्धुराले बताएको छ।
Facebook Comments Box