धनगढी- नेकपा एकीकृत समाजवादीका अध्यक्ष माधवकुमार नेपाल पनि बैतडी जाने भएका छन्। सत्ता गठबन्धनले बुधबार जिल्लाको पाटनमा आयोजना गर्ने चुनावी सभामा अध्यक्ष नेपाल पनि जाने भएका हुन्।
यसअघि नेपाली कांग्रेसका सभापति एवं प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल (प्रचण्ड) जाने भनिएको चुनावी सभामा एकीकृत समाजवादीका अध्यक्ष नेपाल पनि जाने कुरा तय भएको नेकपा माओवादी केन्द्रका जिल्ला संयोजक शंकर भण्डारीले बताए।
तीनै जना नेताहरु दार्चुलाको गोकुलेश्वरमा बिहान ११ बजे हुने चुनावी सभालाई सम्बोधन गरेर दिउँसो १ बजे बैतडीको पाटनमा आउने कार्यक्रम तय भएको नेपाली कांग्रेसका सचिव देवराज जोशीले बताए।
Facebook Comments Box