धनगढीः धनगढीबाट लागुऔषधसहित दुई जना युवा–युवती पक्राउ परेका छन्। धनगढी उपमहानगरपालिका–९ बाग्राकटानबाट उपमहानगरपालिका–५ बस्ने १८ वर्षीय विरेन्द्र कुमाल र १७ वर्षीया करिना रानालाई पक्राउ गरिएको प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले उनीहरुलाई दुई ग्राम ५७० मिलिग्राम लागुऔषध खैरो हिरोइनसहित पक्राउ गरिएको जानकारी दिए। उनकाअनुसार दुवैलाई जिल्ला प्रहरी कार्यालयको हिरासतमा राखेर थप अनुसन्धान भइरहेको छ। प्रहरी निरीक्षक उपेन्द्र बम नेतृत्वको टोलीले राति युवा–युवतीलाई नियन्त्रणमा लिएको थियो।
Facebook Comments Box