धनगढी: अवैध लागूऔषध चरेशसहित प्रहरीले बैतडीको सुर्नया गाउँपालिका–१ हटैराज गुरकेलीका एक युवालाई पक्राउ गरेको छ।
२५ वर्षीय दिपक चन्दलाई १ सय ९९ ग्राम चरेशसहित सोमबार दिउँसो प्रहरीले पक्राउ गरेको हो।
दिपकले सोही ठाउँमा सञ्चालन गरेको श्री केदार हटैराज खुद्रा पसलमा लागूऔषध चरेस बिक्री भइरहेको सूचनाको आधारमा जिल्ला प्रहरी कार्यालय बैतडीबाट खटिएको टोलीले खानतलासी गर्दा उक्त लागूऔषधसहित फेला पारेको थियो।
यस्तै प्रहरीले धनगढी उपमहानगरपालिका–३ चौराहास्थित एक होटलबाट ब्राउनसुगरसहित अछामको सांफेबगर नगरपालिका–३ घर भएका ३४ वर्षीय मुकेश कुँवरलाई पनि पक्राउ गरेको जनाएको छ।
सोमबार साँझ प्रहरीले ९ सय मिलिग्राम ब्राउनसुगरसहित सोही उपमहानगरपालिका–५ डेरा गरी बस्ने कुँवरलाई पक्राउ गरेको हो।
वडा प्रहरी कार्यालय धनगढीबाट खटिएको टोलीले उनलाई पक्राउ गरेको थियो।
Facebook Comments Box