महेन्द्रनगर- महेन्द्रनगरबाट डडेल्धुराको रुपालतर्फ जाँदै गरेको जिप दुर्घटना हुँदा एक जना यात्रुको घटनास्थलमै मृत्यु भएको छ।
परशुराम नगरपालिका–३ मट्यौलामा सोमबार दिउसो म १ ज २३८ नम्बरको जिप दुर्घटना हुँदा भागेश्वर गाउँपालिका–२ का ५० वर्षीय बाशु तिरुवाको मृत्यु भएको हो।
जिपमा चालकसहित ११ जना यात्रु सवार थिए। केही यात्रु सामान्य घाइते छन्।
इलाका प्रहरी कार्यालय जोगबुढाका बरिष्ठ सई माधव जोशीका अनुसार सडकमा ब्याक गर्ने क्रममा दुर्घटना भएको हो। जिपमा च्यापिएर तिरुवाको मृत्यु भएको थियो। इलाका प्रहरी र शीर्षस्थित चौकीको टोली घटनास्थलमै छ।
घटनास्थल इलाका प्रहरी कार्यालय जोगबुढाबाट कम्तिमा पनि २०/२५ किलोमिटर टाढा पर्छ। मट्यौलाको पानीट्याङकी नजिक जिप दुर्घटना भएको थियो।
Facebook Comments Box