धनगढीः कैलालीमा स्कुटर दुर्घटना हुँदा कञ्चनपुरका एक जना ५० वर्षीय पुरुषको मृत्यु भएको छ।
बुधबार राति धनगढीबाट अत्तरियातर्फ आउँदै गरेको से ५ प ४६८४ नम्बरको स्कुटर गोदावरी नगरपालिका–१ मनहरास्थित सडकमा दुर्घटना हुँदा कञ्चनपुरको कृष्णपुर नगरपालिका–५ बस्ने ५० वर्षीय कृष्ण चौधरीको मृत्यु भएको हो।
प्रहरीका अनुसार सडकमा आफै अनियन्त्रित भएर दुर्घटना हुँदा चालक चौधरी गम्भीर घाइते भएका थिए। उनलाई सुरुमा अत्तरियास्थित पदमा अस्पतालमा लगिएको थियो।
पदमाले सेती प्रादेशिक अस्पताल धनगढी रेफर गरेको थियो। उपचारका क्रममा उनको मृत्यु भएको प्रहरीले जनाएको छ।
Facebook Comments Box