महेन्द्रनगर – बैतडीमा मिनी ट्रक दुर्घटना हुँदा एक जनाको मृत्यु ६ जना घाइते भएका थिए ।
आइतबार साँझ पाटनबाट सुर्नयातर्फ आउँदै गरेको से १ ख १२४२ नम्बरको मिनी ट्रक पाटन नजिकै सडकमा पल्टिएको थियो ।
इलाका प्रहरी कार्यालय पाटनका प्रमुख प्रहरी निरीक्षक राजेश शाहीका अनुसार सुर्नया गाउँपालिका–३ का २५ बर्षीया दुर्गा चन्दको उपचारका लागि डडेल्धुरा लैजाँदै गर्दा बाटोमा मृत्यु भएको
त्यस्तै दुर्घटनामा परेर सुर्नया गाउँपालिका ३ का ३५ बर्षीया माधवी चन्द, ३५बर्षीया वसन्ती भट्ट र ३३ बर्षीया कलावती भट्ट घाइते भएका छन् । उनीहरुको डडेल्धुरा अस्पतालमा उपचार भईरहेको छ ।
समान्य घाइते भएका सुर्नया–३ कै २८ बर्षीया निर्मला चन्द र ३३ बर्षीया पार्वती बिष्ट पाटनमा उपचारपछि घर फर्किएको प्रहरी निरीक्षक शाहीले बताए ।
ट्रक चालक पाटन नगरपालिका–४ का विरेन्द्र खत्री फरार रहेका र उनको खोजी भइरहेको प्रहरीले जनाएको छ ।