काठमाडौँ- काठमाडौंको शान्तिबाटिका तनावग्रस्त बनेको छ । मिटरब्याज पीडित र प्रहरीबीच सोमबार दिउँसो शान्तिबाटिकामा झडप भएको हो ।
शान्तिबाटिकाबाट जुलुस निकाल्न प्रहरीले रोकेपछि मिटरब्याज पीडितहरूले प्रहरीमाथि ढुंगामुढा सुरु गरेका थिए । त्यसपछि प्रहरीले मिटरब्याज पीडितहरूमाथि लाठीचार्ज गर्नुका साथै स्थिति नियन्त्रणमा लिन अश्रु ग्यास पनि प्रहार गरेको थियो ।
शान्तिबाटिकाको गेटमा लगाएको ताला फोडेर मिटरब्याज पीडितहरू बाहिर निस्किएका छन् । प्रहरीको लाठीचार्जबाट दर्जनौ मिटरब्याज पीडित घाइते भएका छन् भने केहीलाई प्रहरीले नियन्त्रणमा लिएको छ ।
Facebook Comments Box