काठमाडौँ – सत्ता गठबन्धनका शीर्ष नेता तनहुँ जाँदै छन् ।
नेपाली काँग्रेसका उम्मेदवार गोविन्द भट्टराईलाई भोट माग्न भोलि गठबन्धनका शीर्ष नेता तनहुँ जाने भएका हुन् ।
तनहुँ-१ मा वैशाख १० गते हुने उपनिर्वाचनमा भट्टराई सत्ता गठबन्धनका साझा उम्मेदवार हुन् ।
तनहुँको डुम्रेबजारमा भोलि दिउँसो २ बजे हुने चुनावी सभालाई प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’सहित, काँग्रेस सभापति शेरबहादुर देउवा र एकीकृत समाजवादीका अध्यक्ष माधव नेपालले सम्बोधन गर्ने जनाइएको छ ।
Facebook Comments Box