धनगढीः धनगढीको गेटास्थित एयरपोर्टमा प्रहरीले १७ महिलालाई नियन्त्रणमा लिएको छ। आज (मंगलवार) दिउँसो विमानस्थल क्षेत्रमा तारजाली तोडेर घाँस काट्न गएका १७ महिलालाई प्रहरीले नियन्त्रणमा लिएको हो।
उनीहरुले विमानस्थलको धावन मार्गको पश्चिमतर्फको तारजाली तोडेर घाँस काटेको जनाइएको छ। महिलाहरुले अनाधिकृत रुपमा प्रवेश गरेर घाँस काटेपछि उनीहरुलाई विमानस्थलमा सुरक्षार्थ खटिएको प्रहरी टोलीले नियन्त्रणमा लिएको जनाएको छ।
घाँस काटिरहेको अवस्थामा उनीहरुलाई नियन्त्रणमा लिइएको धनगढी विमानस्थलका प्रमुख रामकृष्ण भट्टले बताए।
Facebook Comments Box