डडेल्धुरा: दशरथचन्द राजमार्ग अन्तर्गत अनारखोलीमा बस दुर्घटना भएको छ। बैतडीको पाटन नगरलालिका-८ मा पर्ने उक्त स्थानमा नेपालगन्ज मेडिकल कलेजको बस दुर्घटना भएको प्रहरीले जनाएको छ।
केही बेरअघि(सोमबार राति १० बजे) भे १क ३१८ नम्बरको उक्त बस अनारखोलीको तल्लो मोडमा दुर्घटनामा परेको हो। बसमा १७ जना सवार रहेकोमा ६ जना घाइते भएको प्रहरीले जानकारी दिएको छ।
घाइते हुनेहरुमा बाँके नेपालगंज उपमहानगरपालिका १२ का ३५ वर्षीय जंग बहादुर चौधरी, सोही ठाउँका ३२ वर्षीय शिसिर खड्का, ४४ वर्षीया रिता देवकोटा, ४६ वर्षीया सावित्री पौडेल, ४८ वर्षीया सुनिता खड्का, ४० वर्षीया ललिता गुरुङ रहेका खोडपे प्रहरी चौकी इन्चार्ज, प्रहरी सहायक निरिक्षक गणेश बिकले जानकारी दिए। चालक ४६ वर्षीय सुनिल श्रेष्ठ सकुसल रहेका छन्।
मेडिकल कलेजको बस दार्चुलामा स्वास्थ्य शिविरको लागि आउँदै गरेको बैतडीका प्रहरी प्रवक्ता, प्रहरी निरीक्षक लाेकराज जाेशीले बताए।