बैतडी: बैतडीमा एक सुत्केरी महिलाको हेलिकोप्टरमार्फत उद्धार गरिएको छ । जिल्लाको दोगडाकेदार गाउँपालिका १ रीमकी २६ वर्षीया दमयन्ती भट्ट जोशीको नेपाली सेनाको हेलिकोप्टरमार्फत उद्धार गरिएको हो ।
जिल्ला अस्पताल बैतडीका सूचना अधिकारी चन्द्रसिंह डोबालका अनुसार सोमवार राति शल्यक्रियाद्वारा बच्चा जन्माएकी दमयन्तीको अत्यधिक रक्तश्राव भएपछि मंगलवार हेलिकोप्टरमार्फत कर्णाली प्रादेशिक अस्पताल सुर्खेत लगिएको हो ।
दमयन्तीलाई बैतडीमै ६ युनिट रगत चढाइसकेको बताइएको छ । राष्ट्रपति महिला उत्थान कार्यक्रम अन्तर्गत उनलाई नेपाली सेनाको हेलिकोप्टरमार्फत सुविधा सम्पन्न अस्पातल लगिएको हो ।
Facebook Comments Box