काठमाडौं– सशस्त्र प्रहरी बलले खुला प्रतियोगिताद्वारा पदपूर्ति गरिने साधारण समूह, साधारण उपसमूहतर्फ सशस्त्र प्रहरी सहायक निरीक्षक पदको अन्तिम नतिजा प्रकाशित गरेको छ । प्रकाशित नतिजा अनुसार खुलातर्फ ७७ जना उत्तीर्ण भएका छन् । खुला बैकल्पिकमा ६ जना परेका छन् ।
त्यसैगरि महिला खुलातर्फ १३ जना, आदिवासी/जनजातितर्फ २० जना उत्तीर्ण भएका छन् । सोही समूह अन्तर्गत पाँच जना वैकल्पिकमा परेका छन् । मधेशी समूहतर्फ १४ जना, दलित समूहतर्फ ९ जना उत्तीर्ण भएका छन् । दलित समूहमा दुई जनालाई वैकल्पिकमा राखिएको छ ।
त्यसैगरि पिछडिएको क्षेत्र समूहतर्फ पाँच जना र अमर असक्त सशस्त्र प्रहरी सन्तति समूहतर्फ एक जना उत्तीर्ण भएको सशस्त्र प्रहरी बल प्रधान कार्यालयले जनाएको छ ।
कार्यालयले उत्तीर्ण उम्मेदवारहरुलाई यही चैत्र २४ गते (विहीबार) आफूले पेश गरेको नेपाली नागरिकताको प्रतिलिपी, बाबुको नागरिकताको प्रतिलिपी, शैक्षिक योग्यताको प्रमाणपत्रको प्रतिलिपी, समावेशी समूहतर्फ उत्तीर्ण उम्मेदवारहरुले आफ्नो समूहको प्रमाणपत्रको प्रतिलिपी, पासपोर्ट साइजको फोटो र चार÷चार प्रति रेकर्ड फायल लिई प्रधान कार्यालयमा सम्पर्क राख्न आग्रह गरेको छ ।
