धनगढी: धनगढीको एक होटेलमा जुवातास खेलिरहेका ८ जना समातिएका छन् । धनगढी उपमहानगरपालिका–४ स्थित बझाङ बित्थडचिर गाउँपालिका–२ का २८ वर्षीय जीवन बोहराको कमल रोशन होटलबाट ८ जना पक्राउ परेका हुन् ।
पक्राउ पर्नेमा बित्थडचिर गाउँपालिका–१ का ४३ वर्षीय नरबहादुर बोहरा, २ का ४१ वर्षीय सुरेन्द्र बोहरा, ४३ वर्षीय रणबहादुर बोहरा, ३४ वर्षीय पबेन्द्र मण्डल, ३४ वर्षीय देविचन्द्र मण्डल, ३ का २३ वर्षीय चक्र बोहरा, ९ का २६ वर्षीय दिलिप खड्का र होटल सञ्चालक बोहरा रहेका छन् ।
उनीहरुलाई नगद २५ हजार ७ सय र ३ गड्डी ताससहित फेला पारी नियन्त्रणमा लिएको प्रहरीले जनाएको छ । यसबारे जिल्ला प्रहरी कार्यालय कैलालीले अनुसन्धान भइहेको जनाएको छ ।
Facebook Comments Box