कैलाली: कैलालीको बर्दगोरियाको एक घरमा आगलागी हुँदा ६० हजार रुपैयाँ बराबरको क्षति भएको छ ।
शनिबार राति बर्दगोरिया गाउँपालिका–१ का मन कामीको एकतले टिनले छाएको घरमा आगलागी भएको हो। पूजा गर्दा जलाएको दियोबाट आगो सल्किएर आगलागी हुँदा लत्ताकपडा, भाडाकुडालगायतका सामान जलेर नष्ट भएको प्रहरीले जनाएको छ ।
प्रहरी र स्थानीयबासीको सहयोगमा आगो नियन्त्रणमा लिइएको बताइएको छ।
Facebook Comments Box