धनगढीः कैलालीमा प्रदेशस्तरीय चेस (बुद्धिचाल) प्रतियोगिता हुने भएको छ । जिल्लाको गोदावरी नगरपालिका–४ बुढीतोलमा सुदूरपश्चिम प्रदेशस्तरीय चेस (बुद्धिचाल) प्रतियोगिता हुने भएको हो ।
गोदावरी नगरपालिका र सुदूरपश्चिम प्रदेश बुद्धिचाल संघको संयुक्त आयोजनामा हुन लागेको प्रतियोगितामा पुरुष, महिला र विद्यार्थीका छुट्टाछुट्टै टीम सहभागी हुने सुदूरपश्चिम प्रदेश बुद्धिचाल संघका अध्यक्ष भीम पाण्डेले बताए ।
प्रतियोगितामा पुरुषतर्फ प्रथम हुनेलाई १० हजार, द्धितीयलाई ७ हजार ५ सय, तृतीयलाई ५ हजार, चौथो र पाँचौलाई २/२ हजार पुरस्कार दिइने आयोजकले जनाएको छ । त्यस्तै, महिलातर्फ प्रथमलाई ४ हजार, द्धितीयलाई २ हजार ५ सय र विद्यार्थीतर्फ प्रथमलाई ३ हजार र द्वितीयलाई २ हजार पुरस्कार दिइनेछ ।
Facebook Comments Box