धनगढीः मंगलबार विहानदेखि बेपत्ता भएको मनाङ एयरको हेलिकप्टर दुर्घटनाग्रस्त अवस्थामा फेला परेको छ।सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर साम्सीभञ्ज्याङमा दुर्घटनाग्रस्त अवस्थामा भेटिएको हो।
बिहान १० बजेर १२ मिनेटपछि सम्पर्कविहीन भएको हेलिकोप्टर उक्त क्षेत्रमा भेटिएको हो। दुर्घटनाग्रस्त क्षेत्रमा उद्दारका लागि अल्टिच्युड हेलिकोप्टरलाई पठाइएको छ।
लिखुपिके गाउँपालिकाका उपाध्यक्ष ङवाङ शेर्पाले दुर्घटनाग्रस्त क्षेत्रमा प्रहरीसहितको उद्धारकर्मीको टोली गइसकेको र आफूहरू पनि जाँदै गरेको बताए।
हेलिकोप्टरमा पाँच जना मेक्सिकन नागरिक रहेका थिए। उनीहरू माउन्टेन फ्लाइट गरेर फर्किंदै थिए। एबरिका गोन्जालेक्स, फर्नान्डो सिफुग्नेट्स, ओलासियो गोन्जालेज, रिनकन इस्माइल र मारिया होजे सिफुन्तेस रहेका थिए। हेलिकोप्टर क्याप्टेन चेत गुरुङले उडाएका थिए।