धनगढी – कैलालीमा एक महिलाले धारीलो हतियार प्रहार गरी श्रीमानको हत्या गरेकी छन् । कैलालीको मोहन्याल गाउँपालिका–१ की ३२ वर्षीया फूमा थापा मगरले घरायसी विवादका क्रममा ४३ वर्षीय श्रीमान नारायण थापामगरको हँसियले हानेर हत्या गरेको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले बताए ।
डीएसपी जोशीका अनुसार आज (सोमबार) बिहान मैले श्रीमानको हत्या गरे भन्दै फूमा स्वयंम् इलाका प्रहरी कार्यालय पण्डौनमा उपस्थित भएपछि घटनाबारे थाहा भएको हो ।
फूमाले प्रहरीलाई बताएअनुसार विगतदेखि नै उनीहरुबीच विवाद हुने गरेको थियो । घटनाको थप विवरण अनुसन्धानबाट मात्र खुल्ने प्रहरी नायब उपरीक्षक जोशीले बताए ।
Facebook Comments Box