धनगढी : कैलालीमा भरुवा बन्दुकसहित एक जना पक्राउ परेका छन् ।
जिल्लाको कैलारी गाउँपालिका वडा नम्बर ६ खरुवाखेडा बस्ने ५२ वर्षीय नारायण प्रसाद चौधरीलाई घरमा बन्दुक लुकाएको अवस्थामा पक्राउ गरिएको प्रहरीले जनाएको छ ।
चौधरीले घरमा लुकाई छिपाई राखेको अवस्थामा एउटा एक नाले अबैध भरुवा बन्दुक, ४ डिब्बा बारुद, ३८ वटा सानो तयारी गोली, २८ वटा ठुलो, ९ वटा सिसाको सानो टुक्रा र एउटा सिसाको ठुला टुक्रोसहित पक्राउ गरिएको कैलालीका प्रवक्ता प्रहरी नायब उपरीक्षक (डीएसपी) कुलदिप चन्दले जानकारी दिए ।
चौधरीलाई विशेष सूचनाका आधारमा ईलाका प्रहरी कार्यालय हसुलियाबाट खटिएको टोलीले घरबाटै पक्राउ गरेको प्रहरी नायब उपरीक्षक चन्दले बताए । उनलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
Facebook Comments Box