बाजुरा: बाजुरामा सुस्त मनस्थितिकी महिलामाथि बलात्कार भएको छ । प्रहरीका अनुसार जिल्लाको हिमाली गाउँपालिका-३ कि २४ वर्षीया महिलामाथि बलात्कृत भएको हो ।
पीडित महिला सुस्त मनस्थितिकी, कान नसुन्ने, बोल्न नसक्ने अवस्थाकी रहेको बुझिएको छ । सो पालिकासँग सिमाना जोडिएको हुम्लाको ताजाकोट गाउँपालिकाको मैतानाको भेडिगोठमा लगेर सोही गाउँपालिका-२ का ३७ वर्षीय पुर्णिमल ल्वारले ती महिलामाथि बलात्कार गरेको जिल्ला प्रहरी कार्यालय हुम्लाका सइ ओमप्रकाश केसीले बताए ।
पीडितका आफन्तले ल्वारका नाममा उजुरी दर्ता गराइसकेका उनले बताए । पीडित महिला अहिले नेपाल अष्ट्रिया साझेदारी संस्था सिमिकोट हुम्ला अल्पलकीलान सुरक्षित आवास गृहमा रहेको संयोजक डिचेन डोल्कार लामाले बताइन् ।
Facebook Comments Box