धनगढी: मुलुकको गुप्तचर निकायको रुपमा परिचित राष्ट्रिय अनुसन्धान विभागका सुदूरपश्चिम प्रदेशका प्रमुखले कार्यभार सम्हालेका छन्।
आज (बिहीबार) प्रदेशको अस्थायी राजधानीसमेत रहेको धनगढीस्थित कार्यालयमा हाजिर भएर डिआईजी इन्द्र लामाले कार्यभार सम्हालेका हुन्।
यसअघि विभागको ललितपुर जिल्लामा कार्यरत एसएसपी इन्द्र लामा हालै डिआईजीमा बढुवा भएर सुदूरपश्चिम आएका हुन्।
हालै उनलाई बढुवालगत्तै सुदूरपश्चिम प्रदेश कार्यालयको प्रमुखको जिम्मेवारी दिइएको थियो। यसअघि सुदूरपश्चिममा डिआइजी ओम खड्काले प्रदेशको कमाण्ड सम्हाल्दै आएका थिए।
Facebook Comments Box