धनगढी: कैलालीमा ट्याक्टर र मोटरसाइकल एक आपसमा ठोक्किदा दुर्घटना भएको छ। आज (आइतबार) जिल्लाको गोदावरी नगरपालिका– ३ स्थित चौकीडाँडामा ट्याक्टर र मोटरसाइकल एक आपसमा ठोक्किदा दुर्घटना भएको हो।
इलाका प्रहरी कार्यालय मालाखेतीका अनुसार दुर्घटनामा २ जना प्रहरी जवान गम्भीर घाइते भएका छन्। पूर्व-पश्चिम राजमार्ग अन्तरगत सुपप्र ०१-००२ त ६४१९ नम्बरको ट्याक्टर र विपरीत दिशातर्फ जाँदै गरेको सुपप्र ०१०११ प ७३२० नम्बरको मोटरसाइकल एक आपसमा ठोक्किएपछि दुर्घटना भएको बताइएको छ।
दुर्घटनामा मोटरसाइकल चालक नेपाल प्रहरी विशेष सुरक्षा गण महेन्द्रनगरमा कार्यरत प्रहरी जवान कपिल कठायत र मोटरसाइकलको पछाडी सवार प्रहरी तालिम केन्द्र दिपायलमा कार्यरत प्रहरी जवान हेमराज ताउडा गम्भीर घाइते भएका छन्।
अहिले दुबै जनालाई उपचारका लागि सेती प्रादेशिक अस्पताल धनगढीमा ल्याइएको प्रहरीले जनाएको छ।