दार्चुलाः भारतले अतिक्रमण गरेको नेपाली भूमि कालापानी क्षेत्रमा दार्चुलाको नौगाड गाउँपालिका–२ का १७ वर्षीय विनोद ठगुन्ना मृत भेटिएका छन् । दार्चुला प्रहरीका अनुसार अतिक्रमित गुन्जी क्षेत्रमा पहिरोमा परेर उनको मुत्यु भएको हो ।
भेडाबाख्रा चराउन लेकाली फाँटमा गएका विनोद मंगलवार साँझसम्म वासस्थानमा नफर्किएपछि अन्य भेडाबाख्रा चराउनेहरूले खोजी गरेका थिए । कालापानीमा रहेका एसएसबी र आईटीबीपीका सुरक्षाकर्मीहरूको सहयोगमा उनको खोजी गरिएको थियो ।
मंगलवार राति २ बजे विनोद मृत भेटिएका थिए । जिल्ला प्रहरी कार्यालय दार्चुलाका डीएसपी तर्कराज पाण्डेयले विनोदको शव आफन्तले बुझेको बताए ।
Facebook Comments Box