धनगढी: कैलालीको धनगढीका २ ठाउँबाट प्रहरीले २ ग्रामभन्दा धेरै ब्राउनसुगरसहित ५ जनालाई पक्राउ गरेको हो।
प्रहरीले धनगढी उपमहानगरपालिका–४ सत्कार चोकको एउटा घरमै छापा मारेर तथा त्रिनगर भन्सार गेट नजिक शङ्काको आधारमा चकजाँच गर्दा ब्राउनसुगरसहित ५ जनालाई पक्राउ गरेको हो।
विशेष सूचनाको आधारमा सत्कार चोकको एउटा घरमा छापा मारेर १ ग्राम ७ सय मिलिग्राम ब्राउनसुगरसहित धनगढी उपमहानगरपालिका–१ का ३२ वर्षीय रोशन सिंहसमेत ३ जनालाई मंगलबार दिउँसो पक्राउ गरिएको प्रहरीले जनाएको छ।
जिल्ला प्रहरी कार्यालय कैलालीबाट खटिएको प्रहरी टोलीले घरको एउटा कोठामा खानतलास गर्दा उक्त पदार्थ फेला पारी तीनैजनालाई पक्राउ गरेको बताइएको छ।
त्यस्तै, धनगढी उपमहानगरपालिका–२ त्रिनगरबाट ६ सय ५० मिलिग्राम ब्रोनसुगरसहित उपमहानगरपालिका–८ बस्ने २६ वर्षका रोहित राना र १८ वर्षीय प्रबिण रानालाई मंगलबार दिउँसो प्रहरीले पक्राउ गरिएको प्रहरीले जनाएको छ।