बैतडीः बैतडीको दशरथचन्द नगरपालिका–२ देहिमाडौं रजुन्डाकी भागरथी बोहराको ७० हजार रुपैयाँसहितको झोला महाकाली नदीमा खसेको छ ।
झुलाघाट बजार जाने क्रममा उनले बोकेको झोला गाडीबाट ओर्लिदै गर्दा मौराभीरबाट महाकालीमा खसेको हो।
गाउँमा किराना पसल सञ्चालन गर्दै आएकी भागरथी भारतमा रहेका श्रीमानले केही दिनअघि मात्रै पठाएको रकम बोकेर पसलको सामान किन्न झुलाघाट गएकी थिइन्।
सशस्त्र प्रहरी बल नेपालको झुलाघाट सीमा पोष्टका इन्चार्ज राजेन्द्रनाथ योगीले उद्धार टोलीले महाकाली नदी किनारसम्म खोज गरे पनि झोला पाउन नसकेको बताए।
Facebook Comments Box