धनगढी : कैलालीमा चार किलाे चरेससहित प्रहरीले एक जनालाई पक्राउ गरेकाे छ ।
लागू औषध नियन्त्रण ब्युराे शाखा कार्यालय महेन्द्रनगर र प्रहरी प्रदेश कार्यालयबाट खटिएको टाेलीले कैलालीको गाैरीगंगा नगरपालिकाकाे राजिपुर क्षेत्रबाट लागुऔषध चरेससहित एक जनालाई पक्राउ गरेकाे हाे ।
पक्राउ पर्नेमा बझाङकाे सुर्मा घर भएर राजिपुर बस्ने ४४ वर्षीय सालिमान पुजारा रहेको जिल्ला प्रहरी कार्यालयका प्रहरी निरीक्षक लाेकबहादुर कार्कीले जानकारी दिए ।
उनकाे साथबाट ४ किलाे ८ सय ग्राम चरेश र ५०० दरका ३७ गरेर १८ हजार पाँच सय भारतीय रूपैयाँ बरामद गरिएकाे कार्कीले बताए । पुजारालाई नियन्त्रणमा लिएर अनुसन्धान भइरहेको प्रहरीले जनाएको छ ।
Facebook Comments Box