बझाङ : छबिसपाथिभेरा गाउँपालिका–७ घट्टेका ६० वर्षीय जैलु मण्डेलका हत्या आरोपीलाई पक्राउ गर्न बझाङ प्रहरी जंगलमा पसेको छ।
शनिबार हत्या आरोपीत उनका भाइ बिजुली मण्डेलको फोन लोकेसन जंगलमा ट्रेस भएपछि उनी जंगलमै लुकेको आशंकामा प्रहरी जंगल पसेको हो।
जिल्ला प्रहरी कार्यालय बझाङका प्रहरी नायब उपरीक्षक भरतबहादुर शाह आफै खटिएको भएपनि हत्यारालाई समात्न सकेका छैनन्।
सुदूरपश्चिम प्रदेश प्रहरीका एसएसपी प्रज्वल महर्जनले त्यहीँ गाउँ नजिकैको जंगलमा आरोपीत लुकेको हुनसक्ने भन्दै खोजबिन तीब्र पारिएको जानकारी दिए।
उनका अनुसार अहिले प्रहरीले सबै नाकामा नाकाबन्दी नै गरेको छ। उनी कता लेकेर बसे भनेर प्रहरीले पत्ता लगाउन सकेको छैन् सोही कारण उनी भाग्न नपाउन भनेर सबै जिल्लाका प्रहरी टिम खोजीमा लागेको छ।
सम्बन्धित समाचार
बझाङमा जैलु हत्या प्रकरण: बिजुलीको फोन लोकेसन जंगलमा ट्रेस
सँगै मदिरा पिएपछि बझाङमा भाइले गरे दाइको हत्या, हँसिया हान्दा चलाएका थिए छुरी
बझाङमा एक जनाको खुकुरी प्रहार गरि हत्या