धनगढी: धनगढीमा लागुऔषध (ब्राउनसुगर) सहित २ युवक समातिएका छन्। आज (मंगलबार) सुदूरपश्चिम प्रदेश प्रहरीको आरआइटी टोलीले उनीहरुलाई समातेको हो।
जिल्ला प्रहरी कार्यालय कैलालीका डिएसपी कुलदिप चन्दले धनगढी उप-महानगरपालिका-४ बोराडाडीको भित्री सडकखण्डबाट उनीहरुलाई समातिएको जानकारी दिए।
उनका अनुसार पक्राउ पर्नेमा जोशीपुर ७ बस्ने २२ वर्षीय विनय कुवँर र सोही पालिकाको वडानम्बर-२ बस्ने २२ वर्षीय दिनेश रावत रहेका छन्। उनीहरूलाई शंका लागेर चेकजाँच गर्दा साथबाट १ ग्राम १६० मिलिग्राम खैरो हिरोईन फेला परेको प्रहरीले जनाएको छ।
अहिले उनीहरुलाई जिल्ला प्रहरी कार्यालय कैलालीको हिरासतमा राखेर थप अनुसन्धान भैरहेको प्रहरीले जनाएको छ।
Facebook Comments Box