काठमाडौं: घरेलु टोली नेपालले साफ यू-१९ च्याम्पियनसिपको दोस्रो सेमिफाइनल खेलमा आज भारतसँग खेल्दैछ ।
खेल आज साँझ ५ः३० बजे त्रिपुरेश्वर स्थित दशरथ रंगशालामा सुरु हुनेछ। नेपाल समूह ए को उपविजेता र भारत समूह बीको विजेताको रुपमा सेमिफाइनलमा भिड्न लागेका हुन् ।
नेपालले पहिलो खेलमा पाकिस्तानसँग १-० को हात व्यहोर्न पुगेको थियो । नेपालले दोस्रो खेलमा माल्दिभ्सलाई ४-१ ले हराउँदै सेमिफाइनलमा स्थान बनाएको थियो ।
उता भारतले बंगलादेशलाई ३-० र भुटानलाई २-१ गोल अन्तरले हराउदै समूह बी को विजेता बनेको थियो ।
Facebook Comments Box