काठमाडौं :नेपाल प्रहरीका महानिरीक्षक बसन्तबहादुर कुँवर लण्डनबाट फर्किएका छन् । उनी श्रीमती लक्ष्मी र छोरा दिग्दर्शनसँगै कतार एअरवेजको उडानमार्फत काठमाडौं आईपुगेका हुन् । महानिरीक्षकसँगै डिआइजी बिष्णु केसी,वरिष्ठ उपरीक्षक दानबहादुर कार्की र शेखर खनालको पनि बिहान साढे ९ बजे स्वदेश फिर्ती भएको छ ।
दोश्रो वरियताका एआइजी टेकप्रसाद राई पनि अमेरिका भ्रमणमा रहेको हुँदा महानिरीक्षक कुँवरलाई त्रिभुवन अन्तर्राष्ट्रिय विमानस्थलमा एआइजीहरु श्याम ज्ञवाली,सन्दिप भण्डारी,किरण बज्राचार्य,टेकबहादुर तामाङ्गले स्वागत गरेको बताइएको छ । कुँवर बेलायतमा आयोजित प्रहरी सुरक्षासम्बन्धी अन्तर्राष्ट्रिय कार्यक्रममा सहभागी भएर फर्किएका हुन् ।
आजै नेपालका लागि साउदी अरेबियाका राजदूत स्वदेश फर्किएका छन् । राजदूत साद नासेर ए।अबुहेमद मध्यान्ह साढे १२ बजे कतार एअरवेजको उडानमा दोहा हुँदै साउदी अरेबिया गएका हुन् । राजदूतसँगै श्रीमती सारा अब्दुल्लाजिज टी अलाजली,छोरा साद एन अबुहमिद,छोरीहरु अल्जोहारा साद एन अबुहैमद र लुल्वाह साद एन अबुहैमद पनि घर फर्केका छन् ।