धनगढी : हिंसाग्रस्त इजरायलमा बेपत्ता नेपाली युवक विपिन जोशी अझै फेला परेका छैनन्।
गत हप्ताको शनिबार हमासले इजरायलमा आक्रमण गरेपछि सम्पर्कविहीन जोशीको खोजी जारी रहेको इजरायलस्थित नेपाली दूतावासले जनाएको छ।
दूतावासका डेपुटी चिफ अफ मिसन अर्जुन घिमिरेले विभिन्न माध्यमबाट खोजी जारी रहेको तर अहिलेसम्म उनलाई फेला पार्न नसकिएको बताए। उनले भने, ‘हामी सक्रियतापूर्वक खोजीमा लागिरहेका छौँ। अहिलेसम्म हामीले सम्पर्क फेला पार्न सकेका छैनौँ।’
हमासले हानेको ग्रिनेड नेपाली विद्यार्थी विपिन जोशीले टिपेर उतै फालिदिएका थिए । तर उनलाई हमासले नियन्त्रणमा लिएर गएका थिए।
जोशीको घर कञ्चनपुरको भीमदत्त नगरपालिका–३, झाँसी हो। उनको पहाड घर भने बैतडीको दोगडाकेदार गाउँपालिका–१, रिम हो। उनी गत भदौ अन्तिम साता इजरायल गएका थिए ।
Facebook Comments Box