काठमाडौं: नेपाली बजारमा सोमबार सुनको मूल्य घटेको छ। आइतबार तोलामै दुई हजार ९ सय रूपैयाँले बढेको सुनको मूल्य सोमबार प्रतितोला सात सय रूपैयाँले घटेको हो।
सोमबारका लागि छापावाल सुनको मूल्य प्रतितोला एक लाख १२ हजार ३ सय रूपैयाँ तोकिएको छ भने तेजाबी सुनको मूल्य प्रतितोला एक लाख ११ हजार ७ सय ५० रूपैयाँ तोकिएको नेपाल सुनचाँदी व्यवसायी महासंघले जनाएको छ।
चाँदीको मूल्य भने आज स्थिर छ। महासंघका अनुसार आइतबार प्रतितोला १३ सय ९० रूपैयाँ मूल्य तोकिएको चाँदी आज पनि सोही मूल्यमा कारोबार भइरहेको छ।
Facebook Comments Box