कैलाली : लागु औषध (खैरो हेरोईन) सहित १ जना भारतिय नागरिक पक्राउ परेका छन् । मंगलवार (आज) दिउसो जिल्लाकाे टीकापुर नगरपालिका वडा नं.८ खक्रौलाबाट लागु औषध (खैरो हेरोईन) सहित भारतिय नागरिक प्रेम सिंहलाइ प्रहरी पक्राउ गरेको हो ।
ईलाका प्रहरी कार्यालय टीकापुर कैलाली बाट सादा पोशाकमा खटिएको प्रहरी टोली र प्रहरी चौकी कालाकुण्डा कैलाली बाट प्र.ना.नि. राजेन्द्र बहादुर कुमालको कमाण्डमा खटिएको प्रहरी टोलीले लखिमपुर जिल्ला, खिरी तिकुनिया ठाना ईन्द्रनगर (भारत) बस्ने सिंहलाई पक्राउ गरेका हुन् ।
सिंहले चलाएको UP 31BY 2728 नं.को मोटरसाईकल माथि प्रहरीलाई शंका लागेपछि चेकजाच गर्दा सिंहको साथ बाट लागु औषध खैरो हेरोईन फेला परेको थियो । खैरो हेरोईन ५ ग्राम ४४० मिलि ग्राम फेला पारेको कैलाली प्रहरीले जनाएको छ ।
पक्राउ परेका सिंह र मोटरसाईकललाई प्रहरीले हिरासतमा राखि थप अनुसन्धान गरिरहेको प्रहरीले जनाएको छ ।