बैतडी : बैतडीको सिगासकी एक महिला ४ दिन देखि बेपत्ता रहेकी छन् । सिगास गाउँपालिका ९ चुवाकी २४ वर्षीया तारादेवी ढाँट (अधिकारी) शनिबारदेखि बेपत्ता रहेकी उनका श्रीमान दिपक ढाँटले बताए ।
यही कार्तिक २२ गते बझाङको बित्थडचीर गाउँपालिका वडा नम्बर ८ धरानस्थित माइती घरमा गएकी तारा शनिबार माइती घरबाट फर्केकी तर उनी घर नपुगी बाटोबाटै बेपत्ता भएकी जानकारी आएको जिल्ला प्रहरी कार्यालयका प्रवक्ता प्रहरी निरीक्षक खेमविक्रम केसीले बताए ।
माइतबाट घर फर्कीसकेकी तारा घर नपुगेपछि उनको खोजी गरिदिनका लागि परिवारजनले प्रहरीमा सोमबार निवेदन दिएका छन् । बेपत्ता ताराको खोजी कार्य भइरहेको प्रहरीले जनाएको छ ।
कसैले फेला पारेमा नजिकको प्रहरी कार्यालयमा सम्पर्क गरिदिन समेत ताराका श्रीमान दिपक ढाँटले आग्रह गरेका छन् ।
Facebook Comments Box