धनगढी : नेकपा एमालेका अध्यक्ष केपी शर्मा ओली धनगढी आईपुगेका छ। उनी मङ्गलवार (आज) साँझ धनगढी आई पुगेका हुन्।
मङ्सिर १४ गतेबाट नेकपा एमालले बैतडीको झुलाघाटबाट सुरु गर्न लागेको मध्य पहाडी लोक मार्ग पदयात्राको लागि ओली आज साँझ धनगढी आईपुगेका हुन। नेकपा एमालेका सुदूरपश्चिम इन्चार्ज छविलाल विश्वकर्माका अनुसार उनीहरु भोलि बैतडी जाने छन।
मङ्सिर १४ गते बिहान अध्यक्ष ओलीले बैतडीको झुलाघाटमा मध्य पहाडी लोक मार्ग यात्राको उद्घाटन गर्ने छन्। पुष्पलाल राजमार्ग नामकरण गरिएको मध्य पहाडी राजमार्गको लम्बाइ करिब एक हजार ८७९ किलोमिटर छ । झुलाघाट–चिवाभञ्ज्याङ यात्रा तीन सातामा टुङ्ग्याउने एमाले नेताहरूले तयारी गरिरहेका छन्।
एमाले अध्यक्ष ओलीसँगै वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल लगायतका नेताहरू सहभागी छन्।
Facebook Comments Box