काठमाडाैं : नेपाली सेनाका वरिष्ठ उपरथी अशाेकराज सिग्देललाई रथी पदमा बढुवा सिफारिस गरिएको छ।नेपाली सेनाका प्रधानसेनापति प्रभुराम शर्माले आइतबार सिग्देललाई रिक्त रथी पदमा बढुवा सिफारिस गरेका हुन्।
प्रधानसेनापति शर्माले रथी(तीन तारे जर्नेल)मा बढुका लागि सिफारिस गरेपछि सिग्देल सामान्य अवस्थामा नियमित प्रक्रियाद्वारा नेपाली सेनाकाे ४५औं प्रधानसेनापति बन्ने निश्चित जस्तै भएकाे छ।
उपरथी सिग्देलकाे बारेमा कुनै कैफियत नरहेकाे र विराेधमा उजुरबाजुर पनि नपरेकाले रिक्त रथी पदका लागि रक्षा मन्त्रालयमार्फत नेपाली सेनाले नेपाल सरकार समक्ष बढुवा सिफारिस गरेकाे नेपाली सेनाकाे स्राेतले जनायो।
सिग्देल २०८१ साउन २४ गते कायममुकायम प्रधानसेनापति बन्दै २०८० भदाै २४ गतेबाट औपचारिक रूपमा नेपाली सेनाकाे ४५औं प्रधानसेनापतिकाे कार्यभार सम्हाल्ने निश्चित जस्तै भएकाे छ ।