कञ्चनपुरः कञ्चनपुरमा मोटरसाइकल ट्याक्टरसँग ठोक्किदा एक जनाको मृत्यु भएको छ।
रोकीराखेको ट्याक्टरसँग मोटरसाइकल ठोक्किँदा बिहीवार राति दुर्घटना भएको हो। दुर्घटनामा परेर एक जनाको मृत्यु भएको छ, भने दुई जना घाइते भएका छन्।
दुर्घटनामा मोटरसाइकल चालक पुनर्वास–५ का २१ वर्षीय अभिषेक रानाको उपचारका क्रममा मृत्यु भएको छ। त्यस्तै १९ वर्षीय अनुप राना र १८ वर्षीया रञ्जिता राना घाइते भएका छन्। अनुपको टाउको, मुख तथा रञ्तिाको दाहिने खुट्टा र दुबै हातमा चोट लागेको इलाका प्रहरी कार्यालय त्रिभुवनबस्तीले जनाएको छ।
घाइते दुबै जनाको धनगढीस्थित माया मेट्रो अस्पतालमा उपचार भइरहेको छ। पुनर्वास नगरपालिका–३ रामबस्तीका बमबहादुर तामाङले माइली बजारमा रोकेर राखेको ट्याक्टरमा मोटरसाइकलले ठक्कर दिदा दुुर्घटना भएको इलाका प्रहरी कार्यालय त्रिभुवन बस्तीका प्रहरी निरीक्षक हेमराज भट्टले बताए।
पुनर्वास नगरपालीका–२ माइली बजारमा रोकीराखेको से १ त ४१५९ नम्बरको ट्याक्टरसँग म २ प ४६२५ नम्बरको मोटरसाइकल ठोक्किन पुगेको थियो।
ट्याक्टर र चालकलाई प्रहरीले नियन्त्रणमा लिएको छ।