कञ्चनपुर: कञ्चनपुरको वेदकोट नगरपालिकामा २१ गते सार्वजनिक बिदा दिइएको छ । नगरपालिकाले सूचना जारी गर्दै गौरा पर्वको अवसरमा २१ गते सार्वजनिक बिदा दिइएको जनाएको हो । नगरप्रमुखस्तरीय निर्णय अनुसार सो दिन बिदा दिइएको सूचनामा उल्लेख छ । सुदूरपश्चिममा भदौ ७ गते गौरा पर्व नमनाएका ठाउँमा हिजो (सोमवार)देखि मनाउन सुरु गरिएको छ । भदौ २१ गते गौराको मुख्य दिन गौराष्टमी परेको छ ।
Author: महेन्द्रनगर पोष्ट
बैतडी: बैतडीको दशरथचन्द नगरपालिकाको देहीमाण्डौं स्वास्थ्यचौकी नगरपालिकामै उत्कृष्ट भएको छ । नगरपालिका अन्तर्गतका १७ ओटा स्वास्थ्य संस्थामध्ये देहीमाण्डौं स्वास्थ्यचौकी कार्यसम्पादनका आधारमा उत्कृष्ट भएको हो । स्वास्थ्यचौकीले प्रदान गरिरहेको सेवाका आधारमा नगरपालिकाले उत्कृष्ट ठहर गरेको स्वास्थ्यचौकीकी इञ्चार्ज निर्मला पन्तले बताइन् । स्वास्थ्य संस्था सञ्चालन तथा व्यवस्थापन समितिका अध्यक्ष एवं दशरथचन्द नगरपालिका-२ का वडा अध्यक्ष सुर्यबहादुर बोहराले आगामी दिनमा स्वास्थ्यचौकीले प्रदान गर्ने सेवाहरुलाई अझै परिष्कृत गरेर लगिने बताए ।
काठमाडौँ: वैदेशिक रोजगारीका लागि क्यानडा जान पाइने लोभमा नक्कली विज्ञापनको भर पर्दा नेपालीहरु ठगीमा परेका छन् । उनीहरुले रु ३४ लाख ठगिएपछि मात्रै आफू ठगीमा परेको सुइँको पाएका थिए । त्यसपछि उनीहरु प्रहरीको सम्पर्कमा आइपुगेका काठमाडौँ उपत्यका अपराध अनुसन्धान कार्यालयका प्रहरी उपरीक्षक रवीन्द्र रेग्मीले बताए । कार्यालका अनुसार इन्स्टाग्राममा आकर्षक तलब सुविधामा वैदेशिक रोजगारका लागि क्यानडा जान वर्कपर्मिट भिसा पाइने भनी नक्कली विज्ञापनमा फस्दा पीडितहरु ठूलो रकम गुमाउन पुगेका हुन् । अनुसन्धानमा उक्त विज्ञापनपछि सम्पर्कमा पुगेका पीडितलाई क्यानडामा क्यासियरको काम लगाइदिने र त्यसबापत रु पाँच लाख ४५ हजार तलब हुने लोभ देखाएर रकम ठगी गरेको पाइएको हो । “क्यानडा जानका…
काठमाडौँ: सुनको मूल्य तीन सय रुपैयाँले घटेको छ । नेपाल सुन चाँदी व्यवसायी महासङ्घका अनुसार आज सुनको मूल्य तोलामा एक लाख १२ हजार ७ सय रुपैयाँ रहेको छ । त्यस्तै, आज चाँदी २० रुपैयाँले घटेर तोलामा एक हजार चार सय ४५ रुपैयाँमा कारोबार भइरहेको महासङ्घले जनाएको छ ।
बैतडी: बैतडीको दोगडाकेदार गाउँपालिकाले दुई दिन गौरा पर्वका लागि बिदा दिने भएको छ । गाउँपालिकाका प्रवक्ता दिनेश भट्टका अनुसार सोमवार बसेको कार्यपालिका बैठकले भदौ २१ र २२ गते स्थानीय बिदा दिने निर्णय गरेको हो । भदौ ७ गते गौरा नमनाएका ठाउँमा हिजो सोमवार देखि गौरा पर्व सुरु भएको छ । भदौ २१ गते गौराको मुख्यदिन गौराष्टमी परेको छ ।
धनगढी: धनगढी उपमहानगरपालिका-१ मा रहेको नेपाली नुरी जामा मस्जिदको कार्यसमिति अध्यक्षमा डा मेराज आलम अन्सारीले उम्मेदवारी दिएका छन् । उनले मस्जिदको पुननिर्माणका साथै मस्जिद कोष स्थापना गरी गरीब एवं असहायलाई मद्दत गर्ने लगायतका एजेण्डासहित उम्मेदवारी दिएका हुन् । मस्जिदको कार्यसमिति चुनाव बुधवार (भोलि) २० गते हुँदैछ ।
कञ्चनपुर: कञ्चनपुरको दक्षिण क्षेत्रमा निर्माणाधीन हुलाकी सडक आयोजनाको दुई खण्डको निर्माण अलपत्र छ । पाँचौँ पटक थपिएको म्याद गत असार मसान्तमा सकिएपछि हुलाकी राजमार्ग योजना कार्यालय धनगढीले छैटौँपटक म्याद थपेको छैन । म्याद थपका लागि निर्माण व्यवसायीले प्रक्रिया अघि बढाएको भए पनि निर्माण गर्ने छाँट नदेखाएकाले पनि म्याद थपको विषय अन्योलमा परेको छ । हुलाकी राजमार्ग योजना कार्यालय धनगढीका इन्जिनियर दीपक सुनारले निर्माण व्यवसायीले काम थाल्ने अवस्थामा मात्रै म्याद थप हुनसक्ने सङ्केत गरे । “काम नगर्ने र म्यादमात्रै थप्ने वातावरण देखिए ठेक्का तोड्ने स्थिति छ”, उनले भने, “निर्माण व्यवसायीको काममा म्याद थपको निक्र्यौल लाग्छ ।” पुनर्वास नगरपालिकाको डोकेबजारबाट वेदकोट नगरपालिकाको…
कैलालीः बर्दगोरिया गाउँपालिकाले विभिन्न संघ-संस्थालाई सम्मान गरेको छ। गाउँपालिकाले स्वास्थ्य क्षेत्रमा निर्वाह गरेको उल्लेखनीय भूमिकाको कदर स्वरूप एनएलआर नेपाल, नेपाल राष्ट्रिय समाज कल्याण संघ (एनएनएसडब्ल्यूए), स्वास्थ्यकर्मी, कर्मचारी तथा सहयोगी संघसंस्थाहरूलाई कदर-पत्रसहित सम्मान गरेको हो। बर्दगोरिया गाउँपालिकाले आर्थिक वर्ष २०७९/८० को स्वास्थ्य कार्यक्रहरूको वार्षिक समिक्षा गोष्ठी कार्यक्रमका बिच विगत लामो समयदेखि गाउँपालिकामा कुष्ठरोग निवारण कार्यमा अतुलनीय योगदान गरेकोमा एनएलआर नेपाल र एनएनएसडब्ल्यूएलाई कदर-पत्रसहित सम्मान गरेको हो। एनएलआर नेपालका तर्फबाट प्रकाश मल्ल र एनएनएसडब्ल्यूएका तर्फबाट संस्थाका निमित्त कार्यकारी निर्देशक विनोद विक्रम जैरूले सम्मान ग्रहण गरेका थिए। एनएनएसडब्ल्यूएका निमित्त कार्यकारी निर्देशक जैरूले यो सम्मानले कुष्ठरोग रोकथामका लागि थप हौसला प्रदान गरेको बताए। बर्दगोरिया…
धनगढी: अछाममा ‘मदिरालयहरु’ (मदिरा व्यापारी) बाट राजस्वका नाममा अन्धाधुन्ध रकम असुली गरेको आरोप लागेका प्रहरी इन्चार्जको सरुवा हुने भएको छ। जिल्लाको चौरपाटी गाउँपालिकामा असुली धन्दा चलाएको आरोप लागेका प्रहरी चौकी सिउँडीका प्रमुख तथा प्रहरी नायब निरीक्षक (सई) लालसिंह बिष्टको सरुवा हुने भएको हो। केही दिनमै उनको सरुवा गरिने जिल्ला प्रहरी कार्यालय अछामका प्रमुख, डिएसपी सन्तोष पाठकले जानकारी दिए। महेन्द्रनगरपोष्टले भदौ ८ गते मदिरालय र सई विष्टबारे समाचार प्रकाशित गरेपछि बिष्टलाई जिल्ला तानेर अनुसन्धान गरिएको थियो। बिष्टलाई जिल्ला तानेर उनीमाथि लागेको आरोपका सवालमा अनुसन्धान एवं छानबिन गर्नका लागि छानबिन समितिसमेत बनाइएको थियो। इलाका प्रहरी कार्यालय साँफेबगरका प्रमुख तथा प्रहरी निरीक्षक (इन्सपेक्टर)…
बैतडी: बैतडीका १२ स्थानमा ‘हेलिप्याड’ निर्माण गरिएका छन् । विपद्को समयमा सहजै हेलिकोप्टर अवतरण गराउन तथा हेलिकोप्टबाट उद्धारका लागि सबै हेलिप्याड निर्माण गरिएको बैतडीका प्रमुख जिल्ला अधिकारी सुरेश पन्थीले जानकारी दिए । उनले भने, “विपद् बेला आपत्कालीन उद्धारका लागि सहजता होस् भनेर हेलिप्याड निर्माण गरेका हौँ । यसले तत्काल हवाई उद्धार गर्न मद्दत गर्छ ।” मनसुन आपत्कालीन कार्ययोजना, २०८० अन्तर्गत सैनिक र गैरसैनिक गरेर १२ स्थानमा हेलिप्याड स्थापना गरिएका हुन् । सदरमुकामस्थित हनुमानध्वज गुल्म गढी र टुँडिखेलमा सैनिक हेलिप्याड निर्माण गरिएका छन् । यस्तै, पञ्चेश्वर गाउँपालिका–३ कुलाउ, सिगास गाउँपालिका–९ चौखाम, सिगास–७ कै शिवलिङ्ग, पुर्चौडी नगरपालिका–१ हाट, पुर्चौडी–५ कुवाकोट, पुर्चौडी–३ नकाली,…