काठमाडौँ : भारतले नेपालबाट गोलभेँडा आयातमा लगाएको प्रतिबन्ध हटाएको छ । भारतीय अर्थमन्त्री निर्मला सितारमणले नेपालबाट गोलभेँडा आयातमा लगाएको प्रतिबन्ध फुकुवा गरिएको जानकारी दिएकी हुन् । बिहीबार भारतको संसदमा सम्बोधन गर्दै उनले नेपालबाट गोलभेँडा आयातको प्रक्रिया थालिएको बताएकी थिइन् । नेपाली गोलभेँडा आयातमा लगाइएको प्रतिबन्ध फुकुवाबारे अर्थमन्त्री सितारमणले संसदमा जानकारी गराएको कुरा द इकोनोमिक्स टाइम्सले लेखेको छ । उनले नेपालबाट आयात हुने गोलभेँडा वाराणासी, कानपुर र लखनउमा शुक्रबारदेखि भित्रिन सुरु हुने बताएकी थिइन् । तर, नेपालको वाणिज्य मन्त्रालयले भने भारतले नेपालबाट गोलभेँडा लैजाने विषयमा कुनै औपचारिक जानकारी नआएको बताएको छ ।
Author: महेन्द्रनगर पोष्ट
बाजुराः बाजुरामा वर्षाका कारण एक घर भत्किएको छ। जिल्लाको हिमाली गाउँपालिका–३ युनाका सुरबिर रोकायाको तीन तले नौँ कोठे पत्थरले छाएको घर अविरल वर्षाका कारण बिहीबार साँझ पुर्ण रुपमा भत्किएको हो। घर भत्किदा घर भित्र रहेका सरसामान, खाद्यान, लत्ताकपडा लगायत गरि अन्दाजी सात लाख बराबरको धनमालको क्षती भएको प्रहरीले जनाएको छ। मानविय तथा चौपाया क्षती भने केहि भएको छैन्। उक्त स्थानमा प्रहरी टोलीले आवश्यक उद्दार तथा अनुसन्धान कार्य गरिरहेको छ। यस अघि बुधवार पनि बाजुराकै खप्तड छेडेदह गाउँपालिका–३ मा एक घर भत्किएको थियो।
काठमाडौं : सशस्त्र प्रहरी बलले सशस्त्र प्रहरी सहायक हवल्दारका लागि बढुवा सिफारिस गरेको छ । बढुवा समितिको शुक्रबारको निर्णयबाट एकैपटक सशस्त्र प्रहरीको साधारण समूहतर्फ खाली रहेको सहायक हवल्दार पदका लागि ३ हजार ८ सय ७१ जनाको सिफारिस गरेको हो । सशस्त्रका अनुसार सिफारिस भएका ३८७१ जना विरुद्ध कुनै उजुर बाजुर भएमा ७ दिनभित्र उजुरी गर्न पनि समयावधि रहेको जनाइएको छ । पछिल्लो समय सशस्त्र प्रहरीमा लामो समयदेखि रोकिएको बढुवा हुँदै गइरहेकाे छ । यसपटकको बढुवा सम्भवतः एपीएफकै इतिहासमा एकैपटक सबैभन्दा बढुवा भएको हो । apf-sahayak-haldarDownload
हेटौंडा : मकवानपुरको भैँसेस्थित प्रहरी चौकीमा कार्यरत एक प्रहरी जवानको पहिरोमा परिएर ज्यान गएको छ। ज्यान गुमाउनेमा जाजरकोटको शिवालय गाउँपालिका ८ घरभएका कृतिबहादुर नेपाली रहेका छन्। भैँसे बजारबाट हेटौंडा बजारतर्फ मोटरसाइकलमा प्रहरी जवान नेपाली र सुनिल मेचे आउँदै गर्दा बिहीबार राति ११:२५ बजे त्रिभुवन राजपथअन्तर्गत मकवानपुरको भीमफेदी गाउँपालिका १ स्थित हेटौंडा–भैँसे सडक खण्डको बुलबुलेमा माथिबाट पहिरो खस्दा उनी घाइते भएकोमा उपचारको क्रममा मृत्यु भएको हो। अर्का घाइते प्रहरी जवानको हेटौंडा अस्पतालमा उपचार भइरहेको र अवस्था सामान्य रहेको प्रहरीले जनाएको छ।
महेन्द्रनगर : भारत, उत्तराखण्डको पिथौरागढस्थित बन्दी गृहबाट फरार भएकी एक जना नेपाली युवती सहयोगीसहित पक्राउ परेकी छन् । दार्चुलाको दुम्लिङ घर भएकी २५ वर्षीया अनुष्का भनिने आकृती बुढाथोकीलाई पिथौरागढ प्रहरीले आज थल क्षेत्रबाट पक्राउ गरेको हो । बुढाथोकीलाई भगाउन सहयोगीको भूमिका निर्वाह गरेको भन्दै एक नाबालिकासहित तीन जना भारतीय नागरिकलाई पनि प्रहरीले पक्राउ गरेको छ । बुढाथोकी पिथौरागढस्थित बन्दी गृहबाट शनिबार राति करिब १२ देखि ४ बजेको बीचमा भागेको हुनसक्ने आशंका प्रहरीको छ । लागूऔषध मुद्दामा पक्राउ परेकी बुढाथोकी फरार भएपछि उनीमाथि थप अभियोग लगाइएको छ । दार्चुलाको सीमावर्ती भारतीय बजार धार्चुलाबाट एक किलोभन्दा बढी चरेशसहित सन् २०२१ मा उनी…
काठमाडौँ : नक्कली प्रमाणपत्र बनाएको आरोपमा प्रहरीको केन्द्रीय अनुसन्धान ब्युरोबाट बिहीबार पक्राउमा परेका सांसद सुनील शर्मा शुक्रबार रिहा भएका छन्। काठमाडौँ जिल्ला अदालतले उनलाई थुनामा राखी अनुसन्धान गर्न प्रहरीलाई अनुमति नदिँदा शर्मा रिहा भएका हुन्। सरकारी वकिलको कार्यालयले सांसद शर्मालाई थुनामा राखी अनुसन्धान गर्न म्याद मागे पनि अदालतले अनुमति नदिएको हो।
धनगढी: सुदूरपश्चिम प्रदेशका मुख्यमन्त्री कमलबहादुर शाहले प्रदेश संघ सरकार, स्थानीय सरकारभन्दा बढी प्रदेश संरचनाप्रति जनताको भरोसा बढी रहेको बताएका छन्। आज (शुक्रबार) धनगढीमा आयोजित संघ, प्रदेश तथा स्थानीय तहको अधिकार सूचीको कार्यविस्तृतीकण परिमार्जन सम्बन्धी प्रारम्भिक सुझाव सङ्कलनका लागि प्रदेशस्तरीय अन्तरक्रिया तथा कार्यशाला गोष्ठीमा बोल्दै मुख्यमन्त्री शाहले यस्तो बताएका हुन्। उनले दुई तहको सरकार यसअघि रहेपनि अहिले प्रदेश संरचनाप्रति विश्वास बढेको बताए। उनले सङ्घीयतालाई अझै बलियो बनाउन अधिकार प्रत्यायोजन गर्न र कार्यान्वयन गर्न कन्जुस्याइँ गर्न नहुने बताए। ‘प्रदेशलाई अल्लि बढि भरोसा गर्न लागेका छन्। तर, प्रदेशको अधिकार केही बुझ्न नसकिएको अवस्था छ। सङ्घीयतालाई बलियो बनाउन खोजेको हो भने कसैले पनि कन्जुस्याइँ…
अत्तरिया : कैलालीको गोदावरी नगरपालिका – ४ मा पहिरोले भत्किएको सडकको ट्र्याक खोल्ने काम सकिएको छ । पहिरोले भत्किएको करिब ४ सय मिटर सडकको ट्र्याक खोल्ने काम सकिएको हो । साउन २२ गते राति परेको बर्षाका कारण आएको पहिरोले बुढीलोलास्थित बाख्रा फार्मभन्दा करिब ३ सय मिटर दक्षिण अत्तरिया तर्फ भावर भन्ने ठाउँको पहिरो सडक बगाएको थियो । ४ दिन लगाएर सो क्षेत्रमा सडकको ट्र्याक खोल्ने काम सकिएको भएपनि सवारी साधन भने चल्न सक्ने अवस्था नरहेको सडक डिभिजन कार्यालय कञ्चनपुरले जनाएको छ । ट्र्याक खुलेको भएपनि हिलाम्मे भएका कारण सवारी साधन चलाउन सक्ने अवस्था नरहेकोले रोक लगाइएको सडक डिभिजन कार्यालयका सूचना…
धनगढी: स्वास्थ्य तथा जनसंख्या मन्त्रालयले संघमा दरबन्दी भएर कामकाजमा सेती प्रादेशिक अस्पतालमा कार्यरत चिकित्सकहरुलाई फिर्ता बोलाएको छ । विशेषज्ञ चिकित्सकहरुलाई अन्यत्र पठाउदा सेती प्रादेशिक अस्पतालको सेवा प्रवाहमा समस्या आएको छ । कामकाजमा कार्यरत ४ जना विशेषज्ञ चिकित्सक र छात्रवृत्ति करारमा रहेका ४ जना विशेषज्ञ चिकित्सक गरी ८ जनालाई संघीय सरकारले फिर्ता बोलाउने निर्णय गरेसँगै सेतीमा सञ्चालित दैनिक स्वास्थ्य सेवामा प्रवाहमा समस्या परेको अस्पतालका सूचना अधिकारी मेघराज उपाध्यायले बताए । अस्पतालका अनुसार छात्रवृत्ति करारमा रहेका एमडिजीपी डा. गणेश फुलारा, प्याथोलोजिष्ट डा. वर्षा आचार्य, मुटुरोग विशेषज्ञ डा. विप्लव कार्की र स्त्री रोग विशेषज्ञ डा. श्रृष्टि जोशी छन् । त्यसैगरी, संघमा दरबन्दी भएर…
कञ्चनपुरः कञ्चनपुरको शुक्लाफाँटा नगरपालिकाका मेयर ११ नम्बर वडास्थित कलुवापुर बजारको ढल व्यवस्थापनको लागि डोजरसहित सडकमा पुगेका छन् । नगरप्रमुख रणबहादुर महरा नेतृत्वको टोली बिहीवार डोजरसहित उक्त क्षेत्रमा पुगेको थियो । उनी नेतृत्वको टोलीले ढल व्यवस्थापनको सुरुवात गरेको हो । नगरपालिकाले दुबैतर्फ सडक क्षेत्रभित्र पर्ने संरचना समेत हटाइरहेको छ । पूर्वाधार विकास कार्यालय कञ्चनपुरले सडक निर्माण गरेपनि नाली नबनाउँदा कलुवापुर बजार डुबानमा पर्दै आएको थियो । गत आइतवार जिल्ला प्रशासन कार्यालय कञ्चनपुरमा सरोकारवालासँग ढल व्यवस्थापनबारे छलफल भएको थियो । सडक डिभिजन कार्यालयले सीमांकन गर्ने, पूर्वाधार विकास कार्यालयले नाली निर्माण गर्ने, विद्युत कार्यालयले पोलहरु हटाउने र नगरपालिकाले सडक क्षेत्र खाली गराउने निर्णय…