बाजुरा: बाजुरामा ३ जनामा डेंगु सङ्क्रमण पुष्टि भएको छ । जिल्ला अस्पताल बाजुराका अनुसार वैशाखयता ३ जनामा डेंगु सङ्क्रमण पुष्टि भएको हो । सङ्क्रमण पुष्टि भएका दुई जना खप्तड छेडेदह गाउँपालिका र एक जना सदरमुकाम मार्तडीका रहेका जिल्ला अस्पताल बाजुराका प्रमुख डाक्टर मिलन जोशीले बताए । सदरमुकाम मार्तडी र कोल्टी डेंगुको उच्च जोखिममा रहेकोले विशेष सर्तकता अपनाउनुपर्ने उनले बताए ।
Author: महेन्द्रनगर पोष्ट
कैलाली: नेपाली काँग्रेस गोदावरी नगरपालिका-१ कैलालीका क्षेत्रीय प्रतिनिधि लोकराज पाण्डेय (आगो) कारबाहीमा परेका छन् । उनलाई पार्टीको जिल्ला कार्यसमितिले महत्वपूर्ण पदीय जिम्मेवारीमा बसेर पार्टी हितको बर्खिलाप सार्वजनिक रुपमा अभिव्यक्ति दिएको भन्दै अनुशासनको कारबाही गरिएको जनाएको हो । पार्टी हितको बर्खिलाप, पार्टीको पदीय जिम्मेवारीमा रहेका नेता कार्यकर्ताको मानहानी हुने गरी सार्वजनिक अभिव्यक्ति दिने गरेको र सामाजिक सञ्जालमा तथानाम अभिव्यक्ति दिने गरेको देखिएको जिल्ला कार्यसमितिले जनाएको छ । उनलाई अनुशासनको कारबाही गर्दै पार्टीबाट साधारण सदस्य समेत नरहने गरी निलम्बन गरिएको छ ।
कैलाली: कैलालीमा ट्रकले किचेर एक महिलाको मृत्यु भएको छ । जिल्लाको गौरीगंगा नगरपालिका-८ बढैपुरका हावा चौधरीकी २३ वर्षीया छोरी अनिता चौधरीको ट्रकले किच्दा मृत्यु भएको हो । प्रहरीका अनुसार उनी आज बिहान २ बजेतिर गौरीगंगा-८ बढैपुरस्थित पूर्व पश्चिम राजमार्गमा टाउकोमा चोट लागेर गम्भीर घाइते भई बिच सडकमा पल्टिरहेको अवस्थामा भेटिएकी थिइन् । उपचारका लागि एम्बुलेन्समा सेती प्रादेशिक अस्पताल धनगढी लैजाने क्रममा उनको बाटोमै मृत्यु भएको हो । मृतक चौधरीको टाउको किचिएको अवस्थामा रहेको सेती अस्पतालबाट बुझिएको जिल्ला प्रहरी कार्यालय कैलालीले जनाएको छ । विगत ३/४ वर्षदेखि उनको मानसिक अवस्था ठिक नरहेको र राति १२ बजेको समयमा उनी घरबाट निस्केकी खुल्न…
कैलाली: कैलालीको गोदावरी धाम क्षेत्रमा बाढीले वितण्डा मच्चाएको छ । गोदावरी नदीमा आएको बाढीले गोदावरी नगरपालिकास्थित धार्मिक पर्यटकीय स्थल गोदावरी धाममा क्षति पुर्याएको हो । अविरल वर्षासँगै आएको बाढीले भौतिक संरचनामा क्षति पुगेको छ । शिव मन्दिर, विष्णु मन्दिर, संस्कृत पढाइ हुने विद्यालयका साथै पर्यटकको गन्तव्य बनेको गोदावरी काठे पुलमा क्षति पुगेको बताइएको छ ।
धनगढीः कैलालीको नेपाल–भारत सीमा स्तम्भ बाढीले बगाएको छ । अविरल वर्षासँगै मोहना नदीमा आएको बाढीले धनगढी उपमहानगरपालिका-९ भैंसीघाटस्थित नेपाल तर्फको ७४८/३ नम्बरको सीमा स्तम्भ बगाएको जिल्ला प्रशासन कार्यालय कैलालीका सूचना अधिकारी शिवराज जोशीले बताए ।
धनगढी: कैलालीमा बाढीपहिरोमा परेकाहरुको उद्धारमा नेपाली सेनाको विपद् उद्धार टोली खटिएको छ । गएरातिको अविरल वर्षाले जिल्लाको धनगढी उपमहानगरपालिकासँगै कैलारी गाउँपालिका, भजनी नगरपालिका डुबानमा परेका छन् । साथै भीमदत्त राजमार्ग अन्तर्गत गोदावरी नगरपालिकाको सेल्फि डाँडामा सडक भासिँदा अलपत्र परेका यात्रुहरुको उद्धारमा तेघरीस्थित श्री देवीदल गणको उद्धार टोली खटिएको हो । धनगढी-१५ र कैलारी-७ बसन्ताका बाढीपीडितको उद्धारका लागि नेपाली सेनाको विपद् उद्धार टोली खटिएको बताइएको छ ।
धनगढी: कैलालीका अविरल वर्षासँगै आएको बाढीले करीब ५ सय घर डुबानमा परेका छन्। अहिले सुरक्षा संयन्त्रले प्रभावितहरुलाई सुरक्षित स्थानमा सार्ने तथा उद्धारको काम गरिरहेको छ। जिल्ला प्रशासन कार्यालय कैलालीका अनुसार धनगढी, गोदावरी, भजनी, जोशीपुर र कैलारी क्षेत्रका स्थानीय बाढीबाट प्रभावित भएका हुन्। अहिलेसम्म कैलारी गाउँपालिका-७ बसन्ता, भइयाफाँटा क्षेत्रका १५० घरधुरी डुबानमा परेका छन्। त्यस्तै, जोशीपुर-३ का ५६ घर, भजनी-२ का १५, वडा नम्बर ३ का ५, ८ को १, ५ का ६५ र ७ का १५० घरधुरी प्रभावित भएको जिल्ला प्रहरी कार्यालय कैलालीले जनाएको छ।
धनगढी: भौतिक पूर्वाधार तथा यातायात मन्त्री प्रकाश ज्वालाले अविरल वर्षापछि भौतिक पूर्वाधारका क्षेत्रमा भएको क्षतिको विवरण तत्काल संकलन गर्न र पुनर्निर्माण थाल्न मातहतका निकायलाई निर्देशन दिएका छन्। सोमबारदेखि परेको अविरल वर्षाले देशभर ठुलो भौतिक क्षति बनाएको छ भने केही ठाउँमा मानवीय क्षति पनि पुर्याएको छ। अविरल वर्षापछि सुदूरपश्चिम प्रदेशका सात पहाडी जिल्ला जोड्ने भीमदत्त राजमार्ग भासिएको छ भने केही स्थानमा पहिरो गएको छ। सडक भासिएपछि आवत–जावत पूर्णरुपमा बन्द भएको छ। बन्द भीमदत्त सडकको तत्काल पुनर्निर्माणमा जुट्न र यातायात छिटो सञ्चालन गर्न सडक विभागका महानिर्देशक सुशीलबाबु ढकाललाई निर्देशन दिएका हुन्। भीमदत्त राजमार्ग अन्तर्गत कैलालीको खानीडाडास्थित सेल्फीडाँडामा पहिरो गएको हो।पहिरोले सडक पुरै…
कैलाली: कैलालीमा लागुऔषधसहित प्रहरीले धनगढीबाट एक युवकलाई पक्राउ गरेको छ। सोमबार साँझ शङ्काको आधारमा चेकजाँच गर्दा धनगढी उपमहानगरपालिका–२ त्रिनगर ब्यारेलबाट कैलालीकै टीकापुर नगरपालिका–१ का २० वर्षीय रोमन चौधरी पक्राउ परेका हुन्। जिल्ला प्रहरी कार्यालय कैलाली र प्रहरी चौकी त्रिनगरबाट खटिएको संयुक्त प्रहरी टोलीले रोमनको साथबाट ३ ट्याब्लेट नाईट्राभेट र २४ ट्याब्लेट स्पास बरामद गरिएको प्रहरीले जनाएको छ। पक्राउ परेका रोमनमाथि अनुसन्धान भइरहेको बताइएको छ।
बैतडी: बैतडीको पाटन नगरपालिका–८ खोड्पेमा आइतबार दिँउसो फेला परेको बेवारिसे सुन राजस्व अनुसन्धान कार्यालय कोहलपुर, बाँके पठाइएको छ। सुनबार कुनै वैधानिक प्रमाण नभेटिएपछि थप अनुसन्धानका लागि राजस्व अनुसन्धान कार्यालय पठाइएको जिल्ला प्रहरी कार्यालयका प्रवक्ता प्रहरी निरीक्षक लोकराज जोशीले बताए। आइतबार दिउँसो काठमाण्डौबाट दार्चुलाका लागि आइरहेको सुपप्र ०२००१ ख १३०३ नम्बरको बसबाट छाडिएको सामानको पोकामा ८३ ग्राम ५२० मिलिग्राम सुन फेला परेको थियो म। बिना बिलको सुन फेला परेपछि इलाका प्रहरी कार्यालय पाटनको टोलीले सुन नियन्त्रणमा लिएको थियो म। बिना बिल संकास्पद अवस्थामा बसबाट प्रहरी चौकीको पोष्टमा छोडिएको सुनको कुनै वैधानिक प्रमाण नभेटिएको प्रहरीले स्पष्ट पारेको छ।