भैरहवा : शस्त्र प्रहरी बल नेपाल, (प्रस्तावित सीमा सुरक्षा गुल्म) डण्डा, रुपन्देहीले गुल्म भएपछि ४ करोड १ लाख रुपैयाँ भन्दा धेरै मूल्यको अवैध सामान बरामद गरेको छ। सिमित जनशक्ति र स्रोतसाधनको प्रयोग गर्दै रुपन्देही जिल्लाअन्तर्गत ७० किलोमिटर अन्तराष्ट्रिय सीमानाको रक्षा, सीमा स्तम्भको सुरक्षा, सीमावर्ती क्षेत्रका बासिन्दाको शान्ति सुरक्षा तथा चोरी तस्करी नियन्त्रण एवं राजश्व संकलनमा भैरहवा भन्सार कार्यालय तथा लुम्बिनी छोटी भन्सार कार्यालयलाई सपोर्ट गर्न डण्डा गुल्म तथा अन्तर्गतका पाँच वटा विओपि परिचालित छन्। चैत्र देखिदेखि श्रावण महिनाको दौरान यस युनिटअन्तर्गत चार करोड एक लाख पच्चिस हजार नौ सय चौध रुपैयाँ बराबरका अवैध मालवस्तु बरामद गरेको हो। शस्त्र प्रहरीका आईजीपी…
Author: महेन्द्रनगर पोष्ट
सिङ्गापुर : सिङ्गापुरका अधिकारीहरूले लागू औषध बोकेको अभियोगमा एक सय ३० जनालाई पक्राउ गरेका छन् । केन्द्रीय लागू औषध नियन्त्रण विभाग(सिएनबी) ले आज एक विज्ञप्ति निकालेर यही अगस्ट १४ देखि २५ सम्म गरिएको देशव्यापी खोजतलासको कारवाहीमा एक सय तीस ३० जनालाई पक्राउ गरेको जानकारी दिएको हो । सिएनबीले दुई साता लामो कारवाहीका क्रममा करिब एक हजार तीन सय १८ ग्राम हेरोइन, दुई हजार पाँच सय ३५ ग्राम गाँजा, चार सय ८६ ग्राम ‘आइस’ र एक सय ८८ ग्राम केटामाइनलगायत लागूऔषध बरामद गरेको विज्ञप्तिमा उल्लेख गरिएको छ । प्रतिबन्धित लागू औषध राखेको अभियोगमा पक्राउ परेकामध्येमा एक जना १५ वर्षकी किशोरी र…
काठमाडौं : क्रिकेट सन्दीप लामिछाने बलात्कार मुद्दाकी पीडित किशोरी ‘गौशाला २६’ ले आत्महत्या प्रयास गरेकी छन्। माइती नेपालको संरक्षणमा रहेकी उनले प्रेस्क्राइब गरिएको औषधि धेरै खाएर आत्महत्या प्रयास गरेकी हुन्। उनको अहिले थापाथलीस्थित नर्भिक अस्पतालमा उपचार भइरहेको छ। अस्पतालले उनलाई भर्ना गरेर उपचार गरिरहेको छ। अहिले उनी खतरामुक्त रहेको अस्पताल स्रोतले जनायो । जिल्ला अदालतमा मुद्दाको फैसला हुने पेशी तोकिएको एक दिनअघि गौशाला २६ ले आत्महत्याको प्रयास गरेकी हुन्। क्रिकेटर लामिछानेविरुद्धको मुद्दाको आइतबार अन्तिम सुनुवाइको पेशी तोकिएको छ।
कैलाली : गौहत्याविरुद्ध राष्ट्रिय प्रजातन्त्र पार्टी नेपालले कैलालीको टीकापुरमा प्रदर्शन गरेको छ । राष्ट्रिय प्रजातन्त्र पार्टीले आयोजना गरेको विरोध र्यालीमा विभिन्न प्ले कार्ड सहित स्थानीयले प्रदर्शन गरेका हुन् । ‘गौ हत्या बन्द गर’, ‘हिन्दू राष्ट्र जिन्दाबाद’, ‘दोषीलाई कारबाही गर’ लगायत लगायतका प्ले कार्ड सहित उनीहरूले प्रदर्शन गरेका थ्रिए। ‘गौ हत्या’को विषयलाई लिएर देशका विभिन्न ठाउँहरुमा प्रदर्शन भैईरहेको छ ।
कैलाली : नेकपा (मसाल) का महामन्त्री मोहन विक्रम सिंहले भारत नेपाललाई हिन्दू राष्ट्र बनाउने गतिविधिमा लागेको बताएका छन् । प्रदेशस्तरीय पार्टी कार्यकर्ता प्रशिक्षण कार्यक्रममा धनगढी आइपुगेका उनले नेपालभित्र मात्र नभई विदेशीहरू र विशेष गरी भारतको नीतिका कारण गणतन्त्र गम्भीर संकटमा परेको बताएका हुन् । उनले गणतन्त्र र संघीयता गुम्न सक्ने सम्भावना रहेको समेत दाबी गरे । ‘भारतका सत्ताधारी पार्टीहरू खुला रूपमा नेपाललाई हिन्दू राष्ट्र बनाउने गतिविधिमा संलग्न देखिएका छन् ’ उनले भने ‘राजावादी, प्रतिगामी र विदेशी धेरै शक्तिहरूले गणतन्त्र र संघीयतामाथि हमला गरिरहेका छन् ।’ मुलुकका राजावादी शक्तिहरू विगतभन्दा निकै बलिया भएको बताउँदै भारतमा आगामी निर्वाचनमा पुनः कट्टरपन्थी हिन्दुवादीले जिते…
काठमाडौं : अभिनेता तथा जादुगर सानु ताम्राकारको निधन भएको छ । अभिनेता सानुको उपचारका क्रममा शनिबार नर्भिक अस्पतालमा निधन भएको हो । नर्भिक अस्पतालमा उपचारका लागि भर्ना भएको २८ औं दिनमा उनको निधन भएको पत्रकार प्रदिप कार्कीले जानकारी दिए । ७५ बर्षिया ताम्राकार मृगौलामा समस्याबाट पीडित थिए । शास्त्रीय नृत्यमा पारंगत ताम्राकारले दर्जनौं नेपाली फिल्ममा अभिनय गरेका थिए । उनको निधनसँगै पुत्र बियोगमा रहेको बेला अस्पताल भर्ना भएका ताम्राकार परिवार थप शोकमा परेको छ । केही महिना अघि उनका छोरा तथा सारुक ताम्राकारले आत्महत्या गरेका थिए । उनको भोलि पशुपति आर्यघाटमा अन्त्येष्टि गरिने जनाईएको छ ।
धनगढी: अछाममा ‘मदिरालयहरु’ (मदिरा व्यापारी) बाट राजस्वका नाममा अन्धाधुन्ध रकम असुली गरेको आरोप लागेका एक प्रहरी इन्चार्ज जिल्ला तानिएका छन्। जिल्लाको चौरपाटी गाउँपालिकामा असुली धन्दा चकाएको आरोप लागेका प्रहरी चौकी सिउँडीका प्रमुख तथा प्रहरी नायब निरीक्षक (सई) लालसिंह बिष्ट जिल्ला तानिएका हुन्। महेन्द्रनगरपोष्टले सो विषयमा भदौ ८ गते समाचार प्रकाशित गरेपछि आज (शनिबार) बिष्टलाई जिल्ला तानिएको हो। जिल्ला प्रहरी कार्यालय अछामका प्रमुख, डिएसपी सन्तोष पाठकले बिष्टलाई जिल्ला तानिएको जानकारी दिए। उनका अनुसार सो विषयमा अनुसन्धान एवं छानबिन गर्नका लागि छानबिन समितिसमेत बनाइएको छ। इलाका प्रहरी कार्यालय साँफेबगरका प्रमुख तथा प्रहरी निरीक्षक (इन्सपेक्टर) खगेन्द्र साउदको नेतृत्वमा ३ सदस्यीय छानबिन समिति गठन…
दार्चुलाः दार्चुलाका एक पुरुष बेपत्ता भएका छन्। जिल्लाको महाकाली नगरपालिका वडा ९ चुच्चैका ४० वर्षीय भीमसिंह चैसिर एक सातादेखि बेपत्ता भएका हुन्। मानसिक सन्तुलन ठिक नभएका चैसिर भाद्र १ गतेदेखि सम्पर्कविहीन भएको उनका बुवा दानसिंह चैसिरले बताए। परिवारका अन्य सदस्य घरमै भएका बेला उनी घरबाटै हराएको र प्रहरीको सहयोगमा खोजी गर्दा पनि अहिलेसम्म फेला पार्न नसकिएको बुवा दानसिहले जानकारी दिए। परिवारले उनलाई आसपासमा कसैले भेटे प्रहरी चौकीमा वा परिवारको मोबाइल नम्बरमा ९८४८४०५१७४ मा सम्पर्क गर्न आग्रह गरेको छ।
धनगढीः भन्सार छलिका सामानसहित प्रहरीले एक जनालाई पक्राउ गरेको छ। कृष्णपुर नगरपालिका–२ बाणिबाट अबैध रुपमा भन्सार छलि गरि ल्याएका एक लाख चौरासी हजार नौ सय रुपैयाँ बराबरका सामानसहित प्रहरीले एक जनालाई पक्राउ गरेको हो। शुक्रबार साँझ सुदूरपश्चिम प्रदेश प्रहरी कार्यालय धनगढी र अस्थाई प्रहरी पोष्ट बाणीबाट खटिई गएको संयुक्त प्रहरी गस्ती टिलीले चिनी, सलाई, छोहरालगायतका सामान र ट्रकसहित चालकलाई नियन्त्रणमा लिएको थियो। यसैगरी, बेलौरी नगरपालिका–६ बैसाखा र भीमदत्त नगरपालिका–४ भासीबाट ६५ हजार बराबरको माछा, खेलौना, युरिया, चिनी, दाल, सुर्ती, चप्पललगायतका सामान बरामद गरिएको छ। बरामद गरिएका सामान बरामद गरिएको प्रहरीले जनाएको छ।
धनगढी: भारतको लखिमपुरी खिरीस्थित पलियामा एक पत्रकारविरुद्ध मुद्दा दायर गरिएको छ। भिडियो छायांकन गरिएको र संस्थाको छवि बिगार्न खोजेको भन्दै पत्रकार शिशिर शुक्लाविरुद्ध मुद्दा दायर भएको हो। उनले अस्ति ३ दिन अघिमात्रै त्यहाँको सरकारी किताबखानाबाट किताबहरु कवाडखानामा बिक्री भैरहेको समाचार संकलन गरी भिडियो बनाएका थिए। त्यसपछि उनले त्यहाँका शिक्षा अधिकारीलाई सो विषयमा बुझेका थिए। त्यस लगत्तै ती अधिकारीले पत्रकार शुक्लाविरुद्ध प्रहरीमा मुद्वा दायर गरेका थिए। अहिले पत्रकारविरुद्ध मुद्दा दर्ता गरेको भन्दै भारतका विभिन्न स्थानमा आन्दोलन तथा प्रदर्शन भैरहेका छन्। पत्रकारिता पेशाको वाक स्वतन्त्रता, पेशागत सुरक्षाको धज्जी उडाउदै भारतजस्तो लोकतान्त्रिक मुलुकमा पनि पत्रकारलाई कानुन लगाएर डरत्रास देखाउनुले भारतको मिडियालाई त्यहाँको सरकारले हेर्ने…