धनगढी: धनगढीमा प्रहरीले भन्सार छलीका सामान फेला पारेको छ । धनगढी उपमहानगरपालिका-२ बाट सशस्त्र प्रहरीले बेवारिसे अवस्थामा भन्सार छलीका सामान फेला पारेको हो । घाट इलाकामा सशस्त्र प्रहरी बल नेपाल प्रस्तावित सीमा सुरक्षा गुल्म त्रिनगर कैलालीबाट खटिएको गस्ति टोलीले अवैध रुपमा भारतबाट भन्सार छली ल्याइएका सुर्तीजन्य पदार्थ र लेडिज सुट पिस बेवारिसे अवस्थामा फेला पारेको हो । ५३ हहजार ८५० मूल्य बराबरका ती सामान कैलाली भन्सार कार्यालयमा दाखिला गरिएको बताइएको छ ।
Author: महेन्द्रनगर पोष्ट
धनगढी: कैलालीको टीकापुर नजिकैको नाकाबाट भारतमा चोरी गरेर आइरहेका नेपालीहरु प्रहरीको फन्दामा परेका छन्। बिहीबार भारतबाट नगद रकम र ठूलो मात्रामा सुन चोरी गरेर नेपालतर्फ (घर) फर्किने बेलामा तीन जना नेपाली पक्राउ परेका हुन्। भारतीय प्रहरीले उनीहरुलाई ३ करोड भारतीय रुपैयाँ र १५ किलो जति सुनसहित नाकाबाटै समातेको हो। भारतीय प्रहरी स्रोतका अनुसार उनीहरुलाई तिकुनियाँबाट पक्राउ गरिएको हो। प्रहरीका अनुसार यसरी पक्राउ पर्नेमा टीकापुर नगरपालिका-८ का शंकर साउँद, उनकी पत्नी र बर्दियाका एक अर्का युवक रहेको खुलेको छ। उनीहरु तीनैजना तिकुनियाँको बसपार्कबाट पक्राउ परेका थिए। भारतमा मजदुरी गर्दै आएका उनीहरुले त्यहाँ लुट मच्चाएर नेपाल भाग्न लागेको बताइएको छ। यता, कैलालीको…
कैलाली: कैलालीमा अखेटोपहार मुद्दाका फरार प्रतिवादी पक्राउ परेका छन् । जिल्लाको कैलारी गाउँपालिका-५ सडकपुरका ४२ वर्षीय महावीर चौधरी पक्राउ परेका हुन् । उनलाई आज आफ्नै घरमा लुकिछिपी बसिरहेको अवस्थामा इलाका प्रहरी कार्यालय हसुलियाले पक्राउ गरेको हो । प्रहरीका अनुसार चौधरीलाई जिल्ला अदालत कैलालीले अखेटोपहार मुद्दामा २०७३ जेठ ०३ गते १० हजार रुपैयाँ जरिवाना तोकेको थियो । हालसम्म फरार रहेका उनलाई पक्राउ गरी आवश्यक कारबाहीका लागि जिल्ला प्रहरी कार्यालय कैलाली पठाइएको इप्रका हसुलियाले जनाएको छ ।
हुम्ला: हुम्लाको कालिका आसपास केन्द्रबिन्दु भएर भूकम्प गएको छ । राष्ट्रिय भूकम्पमापन तथा अनुसन्धान केन्द्र लैनचौरका अनुसार आज बिहान ११ बजेर १७ मिनेट जाँदा हुम्लाको कालिका आसपास केन्द्रबिन्दु भएर ४ दशमलव ६ रेक्टरस्केलको भूकम्प गएको हो । यसअघि गत असार २५ गते सिन्धुपाल्चोकको बाह्रविसे आसपास केन्द्रबिन्दु भएर ३ दशमवल ८ रेक्टरस्केलको भूकम्प गएको थियो । पछिल्लो समय नेपालको पूर्वी तथा पश्चिमी हिमाली र पहाडी क्षेत्र केन्द्रबिन्दु भएर भूकम्प जाने क्रम जारी छ । नेपालको हिमाली तथा पहाडी क्षेत्रलाई भूकम्पको जोखिम क्षेत्रको रुपमा लिने गरिन्छ । रासस
धनगढीः धनगढी उपमहानगरपालिकाका दुई जना कर्मचारी निलम्बनमा परेका छन् । उपमहानगरपालिकाका प्राविधिक कर्मचारी निलम्बनमा परेका बताइएको छ । कर्मचारीको नाम तथा पद भने उपमहानगरले गोप्य राखेको छ । सरकारी बाटो कायम नगरेरै कित्ताकाटका लागि सिफारिस गरेको भेटिएपछि ती कर्मचारी निलम्बनमा परेका बताइएको छ । उनीहरु एक महिनाका लागि निलम्बनमा परेका हुन् । फिल्डमा गएर अनुगमन गर्ने र नियमअनुसार काम गर्नुपर्नेमा सो नगरेको पाइएको हो ।
धनगढी: नेपाली कांग्रेसका प्रदेशसभा सदस्य प्रकाशबहादुर बमले प्रदेश सरकारले ल्याएको बजेटप्रती तीव्र असन्तुष्टि जनाएका छन् । बमले आफ्नो निर्वाचन क्षेत्रका लागि सिफारिस गरेका एउटा पनि योजना नपरेको तर १७ योजना कसरी र कहाँबाट हालियो भन्दै प्रश्न समेत गरेका छन् । बमसरकारले आफ्नो निर्वाचन क्षेत्रमा चिडियाखाना बनाउन बजेट विनियोजन गरेकोलाई भने व्यांग्यात्मक रुपले प्रस्तुत भए ।उनले उक्त चिडियाखानामा आफूलाई राख्न माग पनि गरे । ‘चिडियाखाना आवश्यक छ । चिडियाखानामा अनौठो जनावर राखिन्छ । दुरदराजबाट मानिस हेर्न आउँछन्, म जस्तो सांसदलाई पनि चिडियाखानाभित्र राख्नुपर्छ,’ बमले भने, ‘जो सांसदमा निर्वाचित भएर पनि एउटा योजना हाल्न सक्दैन। वडा, नगरपालिका र गाउँपालिकामा प्रवेश निषेध गरिएको…
बाजुराः बाजुराको बुढीगंगा नगरपालिकाका चार जना कर्मचारीलाई प्रहरीले पक्राउ गरेको छ । नगरपालिकाका इन्जिनियर उपेन्द्र साउँद, प्रधानमन्त्री रोजगार संयोजक गोविन्दबहादुर थापा, शिक्षा शाखाका प्राविधिक सहायक डम्मबहादुर थापा र प्रशासन सहायक वसन्तबहादुर थापालाई प्रहरीले पक्राउ गरेको हो । उनीहरु चारै जनाविरुद्ध अभद्र व्यवहारको जाहेरी परेपछि बुधवार बेलुका पक्राउ गरिएको जिल्ला प्रहरी कार्यालय बाजुराका प्रहरी निरीक्षक रविन्द्र कठायतले बताए । नगरपालिकामा सेवा लिन गएका सेवाग्राही दिलिप केसीमाथि अभद्र व्यवहार गर्दै गाली गलौज गरिएको र ज्यान मार्ने धम्की पनि दिइएको भन्दै केसीका भाइले भिडिओसहित उजुरी दिएपछि उनीहरुलाई पक्राउ गरिएको प्रहरी निरीक्षक कठायतले बताए । उनका अनुसार असार २१ गते केसीले नै नगरपालिकामा अभद्र…
काठमाडौँ: आज सुनको मूल्य ८ सय रुपैयाँले बढेको छ । नेपाल सुन चाँदी व्यवसायी महासङ्घका अनुसार आज सुनको मूल्य एक लाख १२ हजार चार सय रुपैयाँ पुगेको छ । त्यस्तै, चाँदीको मूल्य पनि तोलामा ४० रुपैयाँले बढेर एक हजार चार सय ४० रुपैयाँमा किनबेच भइरहेको महासङ्घले जनाएको छ ।
बैतडी: बैतडीको गोठलापानी–झुलाघाट सडक अवरुद्ध भएको छ । धारीगाड भन्ने स्थानमा सडकमाथिबाट पहिरो खस्दा दशरथचन्द राजमार्ग अन्तर्गत गोठलापानी–झुलाघाट सडक अवरुद्ध भएको हो । पहिरो गएराति खसेको र पन्छ्याउने काम भइरहेको जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले बताए ।
बाजुराः बाजुरामा रुखले च्यापिएर एक पुरुषको मृत्यु भएको छ । जिल्लाको बुढीनन्दा नगरपालिका–३ भुलेनमा रुख ढलेर च्यापिँदा स्थानीय ५८ वर्षीय गोकुले ल्वारको मृत्यु भएको जिल्ला प्रहरी कार्यालय बाजुराले बताएको छ । कार्यालयका प्रहरी निरीक्षक रविन्द्र कठायतका अनुसार भुलेना गाउँबाट ३ घण्टाको पैदल यात्रामा पर्ने विर्मा लेखको छानोमा सुतिरहेको अवस्थामा छानो पछाडिको रुख ढलेर उनको घटनास्थलमै मृत्यु भएको हो । बुधवार मध्यराति अन्दाजी १ बजेतिर वर्षाका कारण रुख ढल्दा च्यापिएर एक भैँसी र पाडोसमेत मरेको उनले बताए । स्थानीयले रुख ढल्दा च्यापिएर ल्वारको मृत्यु भएको इलाका प्रहरी कार्यालय कोल्टीलाई जानकारी गराएका थिए ।