गलकोट: एसईई परीक्षाफल प्रकाशनको नतिजाअनुसार बागलुङमा निजी विद्यालयको तुलनामा सामुदायिक विद्यालयको नतिजा अब्बल देखिएको छ । बिहीबार प्रकाशित एसईई परीक्षाफलअनुसार बागलुङमा चार जिपिए (शतप्रतिशत) अङ्क ल्याउने छ, विद्यार्थीमध्ये चार विद्यार्थी सामुदायिक विद्यालयका रहेका छन् । जिल्लामा चार सामुदायिक र दुई निजी विद्यालयका विद्यार्थीले चार जिपिए ल्याउन सफल भएको शिक्षा विकास तथा समन्वय एकाइ कार्यालयले जनाएको छ । जिल्लामा गत वर्षको तुलनामा यसवर्ष उत्कृष्ट अङ्क ल्याउने विद्यार्थीको सङ्ख्यामा वृद्धि भएको हो । गतवर्ष ५६ जनाले तीन दशमलव छ जिपिएभन्दा माथि अङ्क प्राप्त गरेकामा यस वर्ष बढेर तीन दशमलव छ जिपिएभन्दा माथि अङ्क प्राप्त गर्ने विद्यार्थीको सङ्ख्या एक सय ३९ जना पुगेको…
Author: महेन्द्रनगर पोष्ट
धनगढीः कैलालीमा लागुऔषधसहित ४ जना युवक पक्राउ परेका छन् । धनगढी उपमहानगरपालिका–३ ब्यारेलबाट गोदावरी नगरपालिका–७ का २८ वर्षीय विनोद पुनमगर र गोदावरी–२ का १८ वर्षीय विरेन्द्र विष्ट पक्राउ परेका हुन् । उनीहरुलाई ६३० मिलिग्राम लागुऔषध र से २ प १६३८ नम्बरको मोटरसाइकलसहित पक्राउ गरिएको जिल्ला प्रहरी कार्यालय कैलालीले बताएको छ । धनगढी–३ बाटै ८०० मिलिग्राम लागुऔषधसहित धनगढी–२ का २७ वर्षीय रोहित बुढाथापा पनि पक्राउ परेका छन् । त्यस्तै, गोदावरी नगरपालिका–१ धनगढी रोडमा गेटाका २८ वर्षीय दीपेन्द्र अवस्थी लागुऔषधसहित पक्राउ परेका छन् । उनलाई इलाका प्रहरी कार्यालय मालाखेतीबाट खटिएको प्रहरी टोलीले पक्राउ गरेको हो ।
कञ्चनपुर: कञ्चनपुरमा ६२ किलोमिटर हुलाकी सडक निर्माणमा निर्माण कम्पनीको बेवास्ताका कारण ठेक्काको पाँचौँ पटक थपिएको म्याद सकिन लाग्दा पनि सडक पूरा हुन सकेको छैन । तीस महिनामा सक्नुपर्ने हुलाकी सडकको निर्माण कञ्चनपुरमा साढे छ वर्ष बितिसक्दा ६२ मध्ये २३ दशमलव पाँच किलोमिटर सडक कालोपत्रे गर्न बाँकी छ । कञ्चनपुरको डोके बजारदेखि बेदकोटको दैजीसम्मको ६२ किलोमिटर हुलाकी सडक २०७३ फागुनमा सम्झौता भएको थियो । हुलाकी राजमार्ग योजना कार्यालय धनगढीका इन्जिनियर दीपक सुनारले पाँचौँ पटक थप भएको म्याद यही असार मसान्तमा सकिने बताए । उनका अनुसार तीन वटा प्याकेजमा निर्माण गर्न दिइएको सडकको पहिलो प्याकेज ९डोके बजारदेखि बेलौरीसम्म० २० किलोमिटर सडक भने…
काठमाडौँ: पशुपतिनाथ मन्दिरभित्र जलहरी राखिएको मुनितिर खोतल्दा आज बिहान ४३ तोला सुन फेला परेको छ । जलहरीको तौलमा हिसाब नमिलेपछि आज बिहान सोही स्थानमा खसेको सुन भन्दै ४३ तोला निकालिएको छ । अख्तियार दुरुपयोग अनुसन्धान आयोगले गत साता सेना, प्रहरी, सशस्त्र प्रहरी, राष्ट्रिय अनुसन्धान, सरकारी निकायका प्रतिनिधि, सुन चाँदी व्यवसायी संघका प्रतिनिधिको उपस्थितिमा जोखेको जलहरीको सुनमा अझै तौल नमिलेपछि ठीक दुरुस्त बनाउन भित्रै सुन खसेको बहानामा आज उक्त परिमाणको सुन निकालिएको हुनसक्ने अनुमान छ । जलहरी काण्डमा धेरै जना मुछिएपछि जोगिनको निम्ति नयाँ हतकण्डा अपनाउँदै सुन फेला परेको नाटक गरिएको कतिपयको भनाइ छ ।
बैतडी: बैतडीको दोगडाकेदार गाउँपालिका–६ का ८९ वर्षीय वीरसिंह भण्डारीले प्रधानमन्त्री पुष्पकमल दाहाल ‘प्रचण्ड’ लाई भेटेका छन् । भेटमा उनले व्यवस्था बदलिए पनि संस्कार पुरानै रहेको गुनासो गर्दै देश र जनताका लागि केही गर्न सक्ने क्षमता र आस प्रधानमन्त्री प्रचण्डसँग मात्रै रहेको बताएका छन् । उनले प्रधानमन्त्रीलाई पुरानो संस्कार बदलेर देश र जनताको हितमा काम गर्न अनुरोध पनि गरेका छन् ।
म्याग्दी: म्याग्दीको मङ्गला गाउँपालिका–१ कुहुँका वडाध्यक्ष एकजित रोका २१ वर्षपछि एसईई परीक्षा पास भएका छन् । माध्यमिक शिक्षा परीक्षा, २०७९ (एसईई) मा दीपशिखा मावि कुहुँबाट परीक्षामा सहभागी भएका उनी २.६५ जीपीए ल्याएर उत्तीर्ण भएका हुन् । विसं २०५८ मा एसएलसी परीक्षामा अनुत्तीर्ण भएपछि उनले पढाइ छाडेका थिए । त्यसपछि वैदेशिक रोजगारीको सिलसिलामा मलेसिया र अफगानिस्तान गएका उनले पढाइ छाडेको २१ वर्षपछि एसईई परीक्षा उत्तीर्ण गरेका हुन् । २०६९ सालमा घर फर्किएका उनी गत वर्षको स्थानीय तह निर्वाचनमा नेकपा (एमाले)बाट वडाध्यक्षमा निर्वाचित भएका थिए । राजनीतिक जीवन सुरु गरेपछि धेरै आफन्तबाट पढाइलाई निरन्तरता दिन सुझाव आएको र आफूलाई समेत पढाइको आवश्यकताको…
कञ्चनपुर: कञ्चनपुरमा लागुऔषधसहित दुई युवक समातिएका छन् । जिल्लाको वेदकोट नगरपालिका–१० नयाँगाउँका २७ वर्षीय हरेन्द्र धामी र वेदकोट–७ सुडाका २१ वर्षीय नवीन डगौरा पक्राउ परेका हुन् । उनीहरुलाई बिहीवार साँझ भीमदत्त नगरपालिका–९ ब्रहमदेवबाट १०२ पिस(सिसी) फेनारगन लागुऔषधसहित इलाका प्रहरी कार्यालय ब्रहमदेवबाट खटिएको प्रहरी टोलीले पक्राउ गरेको हो ।
कैलाली: कैलालीमा विस्फोटक पदार्थसहित एक जना भारतीय नागरिक पक्राउ परेका छन् । जिल्लाको कैलारी गाउँपालिका ३ खोनपुरबाट नेपाल भित्र्याउँदै गरेको अवस्थामा विस्फोटक पदार्थसहित लखिमपुर खिरी चन्दन चौकीका ४२ वर्षीय शिव गुप्ता पक्राउ परेका हुन् । उनलाई २९ किलो ५०० ग्राम विस्फोटक पदार्थसहित पक्राउ गरिएको सशस्त्र प्रहरी बल नेपाल नं. ३४ गण हेडक्वाटर कैलालीले जनाएको छ ।
काठमाडौँ: नेपालमा डेङ्गुको सङ्क्रमण बढिरहेको छ । पानी परेसँगै डेङ्गुका बिरामी बढ्न थालेका हुन् । इपिडिमियोलोजी तथा सरुवा रोग नियन्त्रण महाशाखाका कीटजन्य रोग नियन्त्रण शाखाका प्रमुख डा गोकर्ण दाहालले डेङ्गुका बिरामी बढ्न थालेको जानकारी दिए । उनले डेङ्गु बढ्ने मौसम सुरु भएकाले क्रमशः बिरामी पनि बढिरहेको बताए । पानी परेसँगै पानी जम्ने र जमेको पानीमा लामखुट्टेका लार्भा बढ्न थालेको उनको भनाइ थियो । उनका अनुसार सन् २०२३ यता अहिलेसम्म एक हजार २४ जना मानिस डेङ्गुका कारणले बिरामी परेका छन् । यो वर्ष अहिलेसम्म सङ्क्रमणबाट सुनसरीमा एक जनाको ज्यान गएको छ । महाशाखाका अनुसार काठमाडौँ ४६, ललितपुरमा १२ र भक्तपुर ३५…
धनगढी: भारतका प्रधानमन्त्री नरेन्द्र मोदीले उत्तराखण्डको उचाईमा फल्ने प्रसिद्ध मौसमी फल काफल चाखेका छन्। उत्तराखण्डका मुख्यमन्त्री पुष्करसिंह धामीले मोदीलाई काफल चखाएका हुन्। काफल खाएपछि मोदी त्यसको फ्यान बनेका छन्। उनले त्यसबारे पत्र लेखेर आफ्नो भावपूर्ण भावना व्यक्त गरेका छन्। प्रधानमन्त्री मोदीले मुख्यमन्त्री पुष्करसिंह धामीलाई पत्र लेखेर धन्यवादसमेत व्यक्त गरेका छन्। प्रधानमन्त्री नरेन्द्र मोदीले मुख्यमन्त्री धामीलाई सम्बोधन गरेको पत्रमा लेखिएको छ, ‘देवभूमि उत्तराखण्डबाट पठाइएका रसिला र दिव्य मौसमी फलफूल ‘काफल प्राप्त भयो। हाम्रो प्रकृतिले हामीलाई एक भन्दा बढी वरदान दिएको छ र उत्तराखण्डमा भने कन्द, जरा र फलफूल र औषधीय गुणहरू प्रशस्त मात्रामा पाइन्छ।’ पत्रमा प्रधानमन्त्री नरेन्द्र मोदीले यो फल उत्तराखण्डको…