बलेवा : केही दिनयता जिल्ला प्रहरी कार्यालय बागलुङको परिसरमा भिडभाड छ । कार्यालयका सूचना अधिकारीसमेत रहेका प्रहरी नायब उपरीक्षक मदन केसीलगायतका प्रहरी अधिकृत इमेज सहकारी पीडितका गुनासो सुन्नमै व्यस्त छन् । पीडितले दिएका निवेदन लिने र दर्ता गर्ने उनीहरूको दैनिकी बनेको छ । बागलुङमा कार्यालय सञ्चालन गरेका इमेज बचत तथा ऋण सहकारी संस्था र शिव शिखर बहुउद्देश्यीय सहकारी संस्थाका संस्थापक अध्यक्ष देवकुमार नेपालीविरुद्ध हालसम्म सात सय ६८ वटा उजुरी परेका छन् । ढोरपाटन नगरपालिकाका प्रमुखसमेत रहेका नेपाली जेठ ५ देखि सम्पर्कमा छैनन् । इमेज सहकारीका संस्थापक अध्यक्ष नेपालीसहित कार्यवाहक अध्यक्ष डोरबहादुर परियार, सचिव सुनिल नेपाली, कोषाध्यक्ष लक्ष्मी सेन र सञ्चालक…
Author: महेन्द्रनगर पोष्ट
काठमाडौं : प्रधानमन्त्री पुष्पकमल दाहाल प्रचण्ड र बाबुराम भट्टराईसमेतका बिरूद्ध जनयुद्धमा बाल सेना दुरूपयोग गरेको आरोपमा दर्ता गरिएको लेनिन बिष्टसमेतको रिट निवेदनमा सर्बोच्चका न्यायाधीश सपना प्रधान मल्लको आजको एकल इजलासले अग्राधिकारसहित कारण देखाउ आदेश जारी गरेको छ। बाल सेना दुरुपयोग गरेको विषयलाई लिएर विष्टले तत्कालिन नेकपा माओवादीका नेताहरुलाई विपक्षी बनाई मुद्दा दायर गरेका थिए ।
काठमाडौँ: प्रधानमन्त्रीले बोलाएको क्याबिनेट बैठक सुरु भएको छ । प्रधानमन्त्री तथा मन्त्रिपरिषद्को कार्यालय, सिंहदरबारमा बैठक सुरु भएको हो । बैठकमा उपप्रधान तथा गृहमन्त्री नारायणकाजी श्रेष्ठ, कानुनमन्त्री धनराज गुरुङ, कृषिमन्त्री डा. बेदुराम भुसाल, शिक्षामन्त्री अशोक राई, अर्थमन्त्री डा. प्रकाशशरण महत, उर्जामन्त्री शक्ति बस्नेतलगायत उपस्थित छन् । प्रधानमन्त्री प्रचण्डले आज क्याबिनेटको नियमित बैठक राखेको उनको सचिवालयले जनाएको छ ।
धनगढी: सुदूरपश्चिम प्रदेश सरकारले अगामी आर्थिक वर्ष २०८०/८१ का लागि ल्याएको नीति तथा कार्यक्रम बहुमतले पारित भएको छ । मंगलबार बसेको प्रदेशसभा बैठकबाट २४ जेठमा प्रदेश प्रमुख देवराज जोशीले प्रस्तुत गरेको नीति तथा कार्यक्रम बहुमतले पारित भएको हो । सभामुख भीमबहादुर भण्डारीले नीति तथा कार्यक्रम सम्बन्धी प्रदेशसभामा निर्णयार्थ पेश गरेको प्रस्तावको पक्षमा सत्तारुढ गठबन्धनका बहुमत प्रदेशसभा सदस्य देखिएपछि बहुमतले पारित भएको घोषणा गरेका हुन् । नीति तथा कार्यक्रम बहुमतले पारित भएसँगै सरकारलाई बजेट ल्याउने बाटो खुलेको प्रदेश सभा सचिवालयका सचिव देवबहादुर बोगटीले बताए ।
बैतडी: बैतडीमा वन अतिक्रमण गरेर बनाइएका घर भत्काइएको छ । जिल्लाको मेलौली नगरपालिका-७ चापछाड सामुदायिक वन र वडा नम्बर ८ को कोटीगाउँ सामुदायिक वन अतिक्रमण गरी बनेका २७ ओटा घर भत्काइएको हो । डिभिजन वन कार्यालय बैतडीका अनुसार दुई पटक घर खालि गर्न १५ दिनको सूचना जारी गरिएको थियो । सूचनाको अवज्ञा गरिएपछि घर भत्काइएका हुन् । जिल्ला प्रशासन कार्यालय, वन कार्यालय, मेलौली नगरपालिका र सुरक्षा निकायको संयुक्त प्रयासमा वन अतिक्रमण गरेर बनेका अवैध संरचना हटाइएका हुन् ।
कञ्चनपुरः कञ्चनपुरमा लागुऔषधसहित एक युवक पक्राउ परेका छन् । प्रहरीका अनुसार जिल्लाको कृष्णपुर नगरपालिका–५ गुलरियाबाट कृष्णपुर २ बंकका २० वर्षीय विवेक साउँद लागुऔषधसहित पक्राउ परेका हुन् । उनी ५० मिलिग्राम लागुऔषधसहित पक्राउ परेका प्रहरीले जनाएको छ ।
बैतडी: बैतडीमा एकल महिलाहरुलाई बाख्रा वितरण गरिएको छ । जिल्लाको मेलौली नगरपालिका २ का १५ जना एकल महिलालाई बाख्रा वितरण गरिएको हो । उनीहरुलाई एक/एक बाख्रा वितरण गरिएको छ । आयआर्जनमा टेवा पुगोस् भन्ने उद्देश्यले भेटेरेनरी तथा पशु सेवा विज्ञ केन्द्र पाटनको सहयोगमा बाख्रा वितरण गरिएको बताइएको छ । पशु सेवा विज्ञ केन्द्रले जिल्लाका प्रत्येक पालिकाका एक वडामा बाख्रा वितरण गर्दैछ ।
एजेन्सी: अफगानिस्तानको काबुलमा शव गाड्ने ठाउँको अभाव भएको छ । काबुल नगरपालिकाले सहरमा रहेका चिहानमा मृतकलाई गाड्ने ठाउँ नरहेको बताएको बीबीसी हिन्दीले जनाएको छ । नगरपालिकाले अब काबुलका नागरिकलाई मृतकलाई सहरबाहिर अर्को ठाउँमा लैजानुपर्ने बताएको छ । काबुल सहरमा तीन सयभन्दा बढी चिहान स्थल छन् । तर कैयौँ वर्षदेखि चल्दै आएका युद्धको कारण शव गाड्ने ठाउँ अभाव भएको खबरमा उल्लेख छ । सहरमा बढ्दो जनसङ्ख्या र अवैध बस्तीको निर्माणका कारण खाली ठाउँको अभाव भएकाले नयाँ चिहान निर्माण हुन सकेको छैन । काबुल नगरपालिकाले मानिसहरूलाई प्रयोग गर्न भनेको नयाँ चिहान सहरबाट धेरै टाढा भएकाले समस्या भएको स्थानीयको गुनासो छ ।
काठमाडौँ: सरकारले ट्याक्सीका रुपमा प्रयोग हुने सवारी साधनलाई तीन भागमा वर्गीकरण गर्ने तयारी गरेको छ । यातायात व्यवस्था विभागले ट्याक्सीलाई वर्गीकरण गर्ने गरी ‘ट्याक्सीका रुपमा प्रयोग हुने सवारीसम्बन्धी मापदण्ड, २०८०’को मस्यौदा जारी गरेको हो । विभागले उक्त मस्यौदाका सम्बन्धमा आगामी असार ४ गतेभित्र वस्तुपरक सल्लाह, सुझाव तथा राय९परामर्श इमेल तथा फेसबुक पेजमार्फत पठाउन अनुरोध गरेको छ । मस्यौदा अनुसार अब ट्याक्सीलाई साधारण (अर्डिनरी), विशेष (डिलक्स) र विशिष्ट (लक्जरी) गरी तीन भागमा वर्गीकरण गरिनेछ । विभागले ट्याक्सीको आकार, यान्त्रिक क्षमता तथा उपलब्ध सुविधाका हिसाबले वर्गीकरण गर्ने तयारी गरिएको हो । अर्डिनरी ट्याक्सी न्यूनतम आठ सय सिसी क्षमता वा सोभन्दा माथिको इञ्जिन…
काठमाडौँ: काठमाडौँमा जुवा खेलिरहेका एक दर्जन जुवाडे खालबाटै समातिएका छन् । शान्तिमार्गस्थित शेरबहादुर शेरचनको घरमा जुवा खेलिरहेको अवस्थामा उनको घरमा डेरा गरी बस्ने ५२ वर्षीय दिनेश शेरचनसहित १३ जनालाई प्रहरीले पक्राउ गरेको हो । प्रहरीले उनीहरुको साथबाट १ लाख ६७ हजार रुपैयाँ नगद, १६ तासबुक, जुवा खेल्न प्रयोग भएको विभिन्न रङका १ सय १९ थान कोईन र जुवाको हिसाब राखेको कपी समेत बरामद गरेको छ । पक्राउ परेकाहरुमाथि आवश्यक जाँचबुझ भइरहेको प्रहरीले जनाएको छ ।