धनगढी: सुदूरपश्चिम प्रदेश प्रहरी कार्यालयका प्रहरी नायब उपरीक्षक (डिएसपी) भरत चौधरीले सारा नेपाललाई लागुऔषधमुक्त बनाउनुपर्ने बताएका छन्। उनले धनगढीमा आज राति एक कार्यक्रममा बोल्दै यस्तो कुरा बताएका हुन्। उनले अहिले सुदूरपश्चिमसहित देशकै समस्याको रुपमा लागुऔषध दुर्व्यसन रहेको बताए। यस्तै यो समस्या समाधान तथा लागुऔषध नियन्त्रणका लागि सबैजना लाग्नुपर्ने बताए। उनले भने, ‘सिंगो देश अहिले लागुऔषधको जालोमा छ। समस्या छ, अहिले सुदूरपश्चिम प्रदेश प्रहरी कार्यालय लागुऔषध नियन्त्रणमा लागेको छ। हामीले धनगढीमा त्यसका लागिसुधार केन्द्र खोल्ने कुरा पनि गरिरहेका छौं।’ यस्तै सबै नागरिकले लागुऔषध सेवन गर्नेहरु र बेचविखन गर्नेहरूको बारेमा प्रहरीलाई सूचना दिएर सहयोग गरे देश लागुऔषधमुक्त बन्ने दाबी गरे।
Author: महेन्द्रनगर पोष्ट
डोटीः हिक्मतबहादुर शाही डोटी वायलको आसपासको क्षेत्रमा परिचित नाम हो । केआईसिंह गाउँपालिका-४ वालयका शाहीकाे उमेर अहिले ७७ वर्ष भयो । उनी समाज सेवाका सवालमा सधैँ अग्रस्थानमा देखिन्छन् । हालै मात्र वर्षाका कारण ग्रामीण क्षेत्रमा क्षति पुगेको छ । नियमित रुपमा परेको पानीले कतै पुल बगाएको छ भने, कतै आवातजावत गर्ने बाटाहरुमा क्षति पुगेको छ । डोटीको वायलमा पनि वर्षाकै कारण आवातजावत गर्ने बाटाहरु अलपत्र परेका छन् । विशेष गरी वायलको मुख्य बजारदेखि गाउँपालिकाको भवनसम्म जाने बाटो अलपत्र परेको थियो । सोही बाटोलाई आवातजावत गर्न मिल्ने बनाउनका लागि श्रमदान गरिएको छ । सोही श्रमदानमा पनि देखिएका थिए, ७७ वर्षका हिक्मतबहादुर…
काठमाडौं : सत्ता गठबन्धनले कोशी प्रदेशमा नेपाली कांग्रेसका संसदीय दलका नेता उद्धव थापालाई मुख्यमन्त्रीको उम्मेदवार बनाउने निर्णय गरेको छ । प्रधानमन्त्री निवास बालुवाटारमा आज सोमवार बसेको सत्ता गठबन्धनको बैठकले कांग्रेस संसदीय दलका नेता थापालाई मुख्यमन्त्री बनाउने प्रस्ताव लैजाने निर्णय गरेको नेकपा एकीकृत समाजवादीका उपाध्यक्ष राजेन्द्रप्रसाद पाण्डेले जानकारी दिए । बैठकले कोशी प्रदेशमा पनि केन्द्रमा रहेको गठबन्धनकै सरकार गठनका लागि पहल गर्ने निर्णय गरेको हो । उनले बैठकमा राप्रपासमेत लिएर नयाँ सरकार गठनमा अघि बढ्ने विषयमा समेत छलफल भएको पनि बताए । बैठकमा कोशी प्रदेशको मुख्यमन्त्रीको विषयमा कांग्रेस र माओवादी केन्द्रको दाबी रहेकोमा ठूलो दलका हिसाबले कांग्रेस संसदीय दलका नेता थापालाई…
काठमाडौं : परराष्ट्रमन्त्री एनपी साउद अजरबैजानमा हुने असंलग्न आन्दोलनको समन्वय ब्युरोको मन्त्रिस्तरीय बैठकमा सहभागी हुन मङ्गलबार त्यसतर्फ प्रस्थान गर्ने भएका छन् । अजरबैजानको बाकुमा यही असार १८ देखि २१ गतेसम्म ‘असंलग्न आन्दोलन: उदीयमान चुनौतीहरूको सामना गर्न एकताबद्ध र अटल’ भन्ने नाराका साथ हुन गइरहेको बैठकलाई उहाँले असार २० गते सम्बोधन गर्नुहुने मन्त्रालयले जनाएको छ । भ्रमणका क्रममा परराष्ट्रमन्त्री साउदले अजरबैजान सरकारका उच्च पदस्थ अधिकारीसँग भेटघाट गर्नुका साथै विभिन्न देशका सहभागी प्रतिनिधिमण्डलका प्रमुखसँगसमेत भेटवार्ता गर्ने कार्यक्रम छ । साउद असार २३ गते स्वदेश फिर्ता हुनेछन् ।
शान्ति मिसनका लागि कंगोमा तैनाथ नेपाली सेनाका अवस्था बुझ्न रक्षा सचिव नेतृत्वको पाँच सदस्यीय टोली त्यसतर्फ प्रस्थान गरेको छ । भिस्तारा एयरको उडान नम्बर युके १५६ मा साँझ ५ बजे त्रिभुवन अन्तर्राष्ट्रिय विमानस्थलबाट उडेको टोली दिल्ली हुँदै कंगो पुग्नेछ । टोलीमा रक्षा सचिव किरणराज शर्मा, सहसचिव प्रकाश पौडेल, नेपाली सेनाका उपरथी प्रेमध्वज अधिकारी, सहायक रथी कुमारबाबु थापा र विक्रम देव गिरी रहेको बताइएको छ । रक्षा सचिव नेतृत्वको टोलीले कंगोमा तैनाथ नेपाली सेनाको अपरेशनल र बन्दोबस्ती पक्षको निरीक्षण गर्ने बुझिएको छ ।
नेपाल प्रहरीका एक प्रहरी निरीक्षक (इन्स्पेक्टर) यति बेला आलोचित बनेका छन् । सामाजिक सञ्जाल ट्वीटरमार्फत जिल्ला प्रहरी कार्यालय, कास्कीमा कार्यरत प्रहरी निरीक्षक सुवास तिम्सिनाले सामाजिक सञ्जाल इन्स्टाग्राममार्फत महिलालाई ‘तिम्रो फिगरको फ्यान हुँ’ भन्दै म्यासेज लेखेको स्क्रिनसट सार्वजनिक भएसँगै उनी आलोचित बन्न पुगेका हुन् । स्क्रिनसटमा उल्लेख भएअनुसार राति ११ बजे गरिएको तिम्सिनाले फोटो पठाउन भनेका छन् । ‘ट्रस्ट मी, इट्स विट्विन अस (विश्वास गर, यो दुईजनाबीच मात्र रहनेछ)’ उनले भनेका छन् । जवाफमा पीडितले आफू र आफ्नो शरीरबारे आफू एकदम ‘प्राइभेट’ रहेको भन्दै नपठाउने भनेकी छन् । पीडितले आफू र आफ्नो शरीरबारे आफू एकदम ‘प्राइभेट’ रहेको भन्दै नपठाउने भनेकी छन्…
काठमाडौं : नेपाल आयल निगमको मासिक नाफा तीन अर्ब रुपैयाँ नाघेको छ । इन्डियन आयल कर्पोरेशन (आईओसी) बाट मूल्य घटेर आएसँगै निगमको १५ दिनको नाफा एक अर्ब ६० करोड रुपैयाँ पुगेको निगमका प्रवक्ता मनोज ठाकुरले बताए । यो हिसाबबाट सरकारी स्वामित्वको कम्पनी नेपाल आयल निगमको मासिक नाफा तीन अर्ब रुपैयाँभन्दा बढी भएको हो । पेट्रोलियम पदार्थको मूल्य बढ्दा उपभोक्ताको भान्सामा प्रयोग हुने दैनिक उपभोग्य वस्तुको भाउसमेत बढ्ने गर्छ । तर निगमले पछिल्लो समय अन्तर्राष्ट्रिय बजारमा भाउ घटिरहँदा पनि पुरानो घाटा देखाउँदै मूल्य घटाएको छैन । अहिले निगमले उपभोक्तालाई बेचिरहेको पेट्रोलबाट लिटरमै १२ रुपैयाँ, डिजलमा १३ रुपैयाँ, मट्टीतेलमा २७ रुपैयाँ, आन्तरिक…
थाइल्यान्डले श्रीलङ्कालाई उपहार दिएको एउटा हात्तीलाई स्वदेश फर्काएको छ । सन् २००१ मा उपहार दिएको हात्तीलाई श्रीलङ्कामा यातना दिइएको आरोपका कारण दुई देशबीच कुटनीतिक विवाद उत्पन्न भएपछि स्वदेश फर्काएको बीबीसीले जनाएको छ । मुथु राजा नामको २९ वर्षको हात्ती एउटा व्यावसायिक उडानमार्फत थाइल्यान्ड पुगेको छ । एउटा बौद्ध धार्मिक स्थलमा राखिएको समयमा हात्तीलाई यातना दिइएको आरोपपछि थाइल्यान्डले फर्काइदिन माग गरेको थियो । श्रीलङ्काका प्रधानमन्त्रीले आफूले औपचारिकरूपमा थाई राजासँग माफी मागेको बताएका छन्। थाइल्यान्ड र श्रीलङ्का दुवैले हात्तीलाई पवित्र जनावरका रूपमा लिने गर्छन् । सन् २००१ मा थाइल्यान्डको शाही परिवारले मुथु राजासहित तीन वटा हात्ती श्रीलङ्काको सरकारलाई उपहार दिएको थियो ।…
कैलाली : परराष्ट्र मन्त्री एनपी साउँदले पत्रकारिता तथ्यपरक, स्वच्छ र निष्पक्ष हुनुपर्ने बतएका छन् । पत्रकारिता कार्यपालिका, व्यवस्थापिका र न्यायपालिका पछि राष्ट्रको चौथो अङ्ग भएकाले पत्रकारले स्वच्छ र निष्पक्ष भएर पत्रकारिता गर्नु पर्ने बताएका हुन् । नेपाल प्रेस युनियन कैलालीको छैठौ जिल्ला अधिवेशनमा बोल्दै साउँदले आस्था, विश्वास र बिचारका हिसाबले पत्रकारहरू लगाव फरक भए पनि चरित्रका द्धृष्टिकोणले लोकतन्त्र माथिको पत्रकारको चिन्तनमा कुनै बेमेल नहुने बताए । सुदूरपश्चिममा पत्रकारिताको इतिहास धेरै लामो नभए पनि राष्ट्रिय पत्रकारितामा सुदूर पश्चिमका पत्रकारले महत्त्वपूर्ण योगदान पुर्याएको बताए ।
नेपाली कांग्रेसका केन्द्रीय सदस्य डा. शशांङ कोइरालाले गिरिजाप्रसाद कोइरालामा जस्तो निर्णय गर्ने क्षमता सबै नेतामा नहुने बताएका छन् । स्व. गिरिजाप्रसाद कोइरालाको १००औँ जन्मजयन्तीका अवसरमा बीपी कोइराला युवा नेतृत्व मञ्चले आज आयोजना गरेको रक्तदान कार्यक्रममा उनले गिरिजाबाबु अदम्य साहस र निर्णय क्षमता भएका नेता भएको बताए । कांग्रेसका पूर्वमहामन्त्री डा. कोइरालाले भने, ‘गिरिजाबाबुको जस्तो निर्णय क्षमता सबैमा हुँदैन, उहाँ जे बोल्नुहुन्थ्यो त्यो पूरा गर्नुहुन्थ्यो । उहाँकै कारण दोस्रो जनआन्दोलन सफल भएको हो ।’ गिरिजाप्रसाद कोइरालाको १००औँ जन्मजयन्तीको अवसर पारेर आयोजित रक्तदान कार्यक्रममा ५५ जनाले रक्तदान गरेको मञ्चका अध्यक्ष भरत खड्काले जानकारी दिए ।