धनगढी: धनगढीमा एक विवाहित युवती मृत अवस्थामा भेटिएकी छन्। धनगढी उपमहानगरपालिका-४ नवजीवन अस्पताल पछाडि बस्ने सुनिल चौधरीको श्रीमती २३ वर्षीया राधिका चौधरी मृत फेला परेको प्रहरीले जनाएको छ। जिल्ला प्रहरी कार्यालयका प्रहरी नायब उपरीक्षक (डीएसपी) कबिन्द्रसिंह बाेहाेराले चाैधरी बिहीबार घरमै मृत अवस्थामा फेला परेकी बताए। उनकाअनुसार उनी मृत भेटिएको कुरा आफन्तहरुले नै प्रहरीमा जाहेर गरेका थिए। घटनास्थल कार्य समाप्त गरेर मृतकको शव परीक्षणका लागि सेती प्रादेशिक अस्पतालमा राखिएको छ। घटनाबारे अनुसन्धान भइरहेको प्रहरीले जनाएको छ।
Author: महेन्द्रनगर पोष्ट
धनगढी: सत्तारुढ दल नेपाली काँग्रेस र नेकपा एमालेले सुदूरपश्चिम प्रदेशका मुख्यमन्त्री दीर्घबहादुर सोडारीलाई मार्गप्रशस्त गर्न आग्रह गरेका छन्। संयुक्त रुपमा विज्ञप्ति जारी गर्दै दुवै दलले मुख्यमन्त्री सोडारीलाई पदबाट राजीनामा दिएर मार्गप्रशस्त गर्न माग गरिएको छ। विज्ञप्तिमा भनिएको छ, ‘आर्थिक वर्ष २०८१/०८२ को प्रदेशको बजेट किन आएन ? अथवा किन अरु जायज विकल्पहरु खोजिएन ? यसको जवाफ त सरकारले दिनु नै पर्ला तर आर्थिक डेडलकको अवस्थामा आइपुग्दा अल्पमतमा रहेको कामचलाउ सरकार र मुख्यमन्त्री दीर्घबहादुर सोडारीलाई पदबाट राजीनामा दिएर मार्गप्रशस्त्र गर्न नेपाली काँग्रेस र नेकपा (एमाले) कैलाली आग्रह गर्दछ।’ प्रदेशसभामा प्रस्तुत गरेको बजेट समेत अलपत्र पारेको भन्दै बजेटमाथि छलफल गर्नमा जानाजान ढिलासुस्ती…
काठमाडौं: नेपाली सेनाले रथी अशोकराज सिग्देलको उमेर (जन्ममिति)का सम्बन्धमा कुनै कैफियत नरहेको स्पष्ट पारेको छ। सैनिक मुख्यालय जंगी अड्डामा आज आयोजित पत्रकार सम्मेलनमा सेनाका सूचना अधिकारी सहायक रथी गौरवकुमार केसीले रथी सिग्देलको नागरिकता र शैक्षिक प्रमाणपत्रमा उल्लेखित जन्ममितिसम्बन्धी विवरणमा आशंका गर्ने ठाउँ नरहेको बताए। रथी सिग्देलले जिल्ला प्रशासन कार्यालय रुपन्देहीबाट पहिलोपटक लिएको नागरिकता र ‘प्रथम प्रतिलिपी’ मा उमेर, प्रमाणपत्र नम्बर र जारी मितिमा कुनै फरक नरहेको उनले स्पष्ट पारे। रथी सिग्देलले नेपाली सेनामा भर्नाका क्रममा पेस गरेको प्रवेशिका परीक्षा (एसएलसी)को प्रमाणपत्र (२०४० भदौ २९ गते परीक्षा नियन्त्रण कार्यालय भक्तपुरबाट जारी)मा जन्ममिति २०२३ माघ १९ उल्लेख छ। यस्तै, विसं २०४३ भदौ…
धनगढी: सुदूरपश्चिम प्रदेश सभाको बजेट अधिवेशन अन्त्य भएको छ। प्रदेश सभाको सचिवालयका अनुसार आज राति १२ बजेदेखि सुदूरपश्चिममा चालू चौथो अधिवेशन अन्त्य भएको हो। प्रदेश सभा सचिवालयले नेपालको संविधानको धारा १८३ को उपधारा (२) बमोजिम प्रदेश सभाको चालु चौथो अधिवेशन बिहिबार राति १२ बजेदेखि लागु हुने गरी अन्त्य भएको जनाएको छ। सो अधिवेशन प्रदेश प्रमुखको कार्यालयको पत्रमार्फत अन्त्य भएको हो। यस अगाडि मुख्यमन्त्री तथा मन्त्रिपरिषद्को कार्यालयले २९ असारमा प्रदेश प्रमुखलाई प्रदेश सभाको चालु अधिवेशन अन्त्य गर्न सिफारिस गरेको थियो। तर, प्रदेश प्रमुख उक्त सिफारिसलाई बेवास्ता गर्दै काठमाडौँ गएपछि आज पुनः उतै पत्र पठाइएको थियो। त्यसकारण अधिवेशन अन्त्यमा ढिलाई भएको थियो।…
धनगढी: कैलालीमा मोटरसाइकल दुर्घटना हुँदा २ जना घाइते भएका छन्। धनगढी उपमहानगरपालिका–७ देवरीयामा दुई मोटरसाइकल एक आपसमा ठोक्किएर भएको दुर्घटनामा दुवै मोटरसाइकलका चालक विवेक राना र रामनारायण चौधरी घाइते भएका हुन्। से ६ प ६९९७ र से ७ प ३९७९ नम्बरका मोटरसाइकल दुर्घटना घाइते भएका चालकको सेती प्रादेशिक अस्पतालमा उपचार भइरहेको प्रहरीले जनाएको छ। यस्तै डोटीमा ट्याक्टर दुर्घटना भएको छ। केआईसिह गाउँपालिका–३ बासुदेबिमा ट्याक्टर दुर्घटना भएको हो। दुर्घटनामा २ जना घाइते भएका छन्। घटनाको विस्तृत विवरण आउन बाकी रहेको जिल्ला प्रहरी कार्यालय डोटीले जनाएको छ।
धनगढी: धनगढीस्थित विमानस्थललाई सुदूरपश्चिम प्रदेश सरकारका स्वास्थ्य, महिला तथा बालबालिका मन्त्री ओम विक्रम भाट ‘सरल’ले डिजिटल स्मार्ट बोर्ड हस्तान्तरण गरेका छन्। आज (बिहीबार) प्रादेशिक स्वास्थ्य प्रवर्द्धन केन्द्रको समन्वयमा मन्त्री भाटले बोर्ड हस्तान्तरण गरेका हुन्। विमानस्थलका प्रमुखले मन्त्री भाटबाट स्मार्ट बोर्ड बुझेका थिए। स्वास्थ्य तथा सुरक्षा सम्बन्धि जनचेतनामूलक सामग्री प्रदर्शनीका लागि उक्त बोर्ड हस्तान्तरण गरिएको हो। सो बोर्डमा यात्रुलाई जनचेतनामूलक सूचना देखाउने, स्वास्थ्य सम्बन्धि र विमानस्थल सुरक्षाका लागि सूचना तथा जानकारीहरु प्रदर्शनी गराइने जनाइएको छ। सो बोर्ड विमानस्थलले आफ्नो क्षेत्रमा लगाउने छ।
धनगढी : सुदूरपश्चिमका प्रदेश प्रमुख नजिर मियाँ स्वास्थ्य समस्याको कारण देखाउँदै काठमाडौँबाट नफर्किएपछि सरकारले पठाएको पत्र काठमाडौं पठाइएको छ । प्रदेश प्रमुखको कार्यालयका अनुसार प्रधानमन्त्री केपी शर्मा ओलीको सपथ ग्रहण कार्यक्रममा काठमाडौँ गएका प्रदेश प्रमुखले मुख्यमन्त्री तथा मन्त्रिपरिषद्को कार्यालयले पठाएको सिलबन्दी पत्र उतै पठाइएको हो । बिहीबार उक्त पत्र काठमाडौँ पठाइएको छ । मुख्यमन्त्री तथा मन्त्रिपरिषद्को कार्यालयले २९ असारमा प्रदेश प्रमुखलाई प्रदेश सभाको चालु अधिवेशन अन्त्य गर्ने सिफारिस गरिएको जनाएको छ तर प्रदेश प्रमुख उक्त सिफारिसलाई वेवास्ता गर्दै काठमाडौँ हिडेको भन्दै सरकारले उनको भूमिकामाथि प्रश्न उठाएको छ । प्रदेश प्रमुखको कार्यालयले भने उनी काठमाडौँ उडिसकेपछि मात्र सरकारको पत्र प्राप्त भएको…
काठमाडौं: नेकपा एमाले अध्यक्ष केपी शर्मा ओली नेतृत्वको सरकारका सहरी विकास मन्त्री आउँदा आउँदै विवादित बनेका छन्। मन्त्री बनेपछि सुरक्षा निकायबाट जानकारी लिएको भन्दै सार्वजनिक गरेपछि उनी विवादमा मुछिएका हुन्। नेपाली कांग्रेसबाट मन्त्री बनेका प्रकाशमान सिंहले सहरी विकास मन्त्रालयको नेतृत्व गरिरहेका छन्। उनी उपप्रधानमन्त्री पनि हुन्। तर, मुलुकको शान्ति सुरक्षा र समग्र गृह प्रशासन चलाउने जिम्मेवारी रहेको गृह मन्त्रालयलाई ओभरट्याक गर्दै सिंहले सुरक्षा निकायका प्रमुखबाट ब्रिफिङ लिएका छन्। उनको यो सुरुवाती कदमलाई निकै आलोचना गरिएको छ। किनकी नेपाली काँग्रेसकै अर्का नेता रमेश लेखक गृहमन्त्री हुन्। उनले शान्ति सुरक्षाको अवस्थाबारे जानकारी लिने र आवश्यक रणनीति बनाउनुपर्ने हुन्छ। तर,उदेकलाग्दो रुपमा सहरी विकास…
धनगढीः सुदूरपश्चिममा एडिस एजिप्टाई जातको लामखुट्टेको टोकाइबाट मानिसमा सर्ने डेङ्गुको सङ्कमण बढ्न थालेको छ। सुदूरपश्चिम प्रदेश स्वास्थ्य निर्देशनालय दीपायलले पाँच महिनायता प्रदेशमा एक सय ६१ व्यक्ति डेङ्गु रोगबाट सङ्क्रमित भएको जनाएको छ। तीमध्ये डोटीमा ४९, कञ्चनपुरमा २७, अछाममा ३४ र कैलालीमा १२, बाजुरामा १५, बैतडीमा तीन, बझाङमा चार, दार्चुलमा १३ र डडेल्धुरामा पाँच व्यक्ति सङ्क्रमित भएका छन्। निर्देशनालयका भेक्टर कन्ट्रोल अधिकृत हेमराज जोशीले असारदेखि कात्तिक महिनासम्म यस रोगको जोखिम बढी हुने गरेको बताए। उनले भने, ‘आसारदेखि कात्तिक महिनामा पानी पर्ने र रोकिनेक्रम निरन्तर भइरहँदा लामखुट्टेको वृद्धिविकास भई सङ्क्रमणको जोखिम बढी रहन्छ। त्यसैले रोकथामका लागि लामखुट्टेको लार्भा ‘खोज र नष्ट गर’…
काठमाडौं : नेकपा माओवादी केन्द्र सुदूरपश्चिम प्रदेशले अध्यक्ष पुष्पकमल दाहाल ‘प्रचण्ड’ले दिएको निर्देशनको अवज्ञा गरेको छ । प्रचण्डले गत असार १२ गते सुदूरपश्चिम पार्टीलाई प्रदेश संसदीय दलको नेताका स्थायी कमिटी सदस्य खगराज भट्टलाई दल नेतामा पुर्नस्थापित गर्न लिखित निर्देशन दिएका थिए । तर, निर्देशन पालना हुन सकेको छैन । भट्ट सुदूरपश्चिममा माओवादीका सबैभन्दा सिनियर नेता हुन् । सुरुमा दल नेता भट्ट नै भएपनि पछि सांसद मानबहादुर धामीले बहुमतबाट भट्टलाई दल नेताबाट हटाउँदै आफु नेता भएका थिए । सभामुखबाहेक १० सांसद सांसदमध्ये धामीको पक्षमा ६ जना पुगेका थिए भने भट्टको पक्षमा ४ जना थिए । तर अहिले भट्ट र धामी दुवैको…