धनगढी: कैलालीको धनगढी उप महानगरपालिका १६ स्थित महादेव तालमा एक व्यक्तिको शव फेला परेको छ। बेहडाबाबा मन्दिर नजिकै रहेको उक्त तालमा डुबेको अवस्थामा मानिसको शव फेला परेको हो। शवको पहिचान नभएको प्रहरीले बताएको छ। घटनास्थलबाट तीन जना शङ्कास्पद व्यक्तिलाई नियन्त्रणमा लिइएको जिल्ला प्रहरी कार्यालय कैलालीले जानकारी दिएको छ। गङ्गा दशहरा पूजाको लागि तालमा नुहाउन मानिसहरूको भीड लागेको छ। सोही क्रममा महादेव तालमा शव फेला परेको हो।
Author: महेन्द्रनगर पोष्ट
बैतडी: बैतडी-दार्चुला सिमानामा पर्ने चमेलिया गोकुलेश्वरमा दुई दिने नेपाल–भारत चर्मण्यावती साहित्य सम्मेलन सुरु भएको छ। भारत र नेपालका ६० भन्दा बढी साहित्यकार सहभागी रहेको उक्त सम्मेलनको सुदूरपश्चिम प्रदेशका पूर्व मुख्यमन्त्री संस्कृतिविद् राजेन्द्र रावलले उद्घाटन गरेका हुन्। राष्ट्रियता संरक्षण अभियानको आयोजनामा उक्त सम्मेलन सुरु भएको हो। दुई दिनसम्म चल्ने उक्त सम्मेलनमा सुदूरपश्चिमको भाषा, संस्कृति, साहित्य र इतिहासका विषयमा ४ वटा कार्यपत्र प्रस्तुत हुने आयोजक संस्थाका प्रमुख अभियन्ता हेमवावु लेखकले जानकारी दिए। मंगलबार दुवै देशका साहित्यकारहरुको भेलाले सांस्कृतिक, भाषिक र साहित्यक विकासका लागि संयुक्त रुपमा गर्न सकिने प्रयासलाई लिएर घोषणापत्र समेत जारी हुने आयोजकले जानकारी दिएका छन् ।
काठमाडौं: सरकारले ल्याएको नयाँ बजेटमा कर्मचारीको तलबमान विगतकै कायम गरिएको छ । कर्मचरीले पाउने रकम भने कटौती हुने भएको छ । कर्मचारीले पाउने पोसाक भत्ता, महँगी भत्ता र फिल्ड भत्ता तथा वैदेशिक भत्ता भने कायम राखिएको छ । बजेट सार्वजनिक गर्दै अर्थमन्त्री प्रकाशरण महतले भने, “स्रोतमा परेको चापलाई मध्यनजर गरी आगामी आर्थिक वर्षका लागि सबै प्रकारका प्रोत्साहन भत्ता, अतिरिक्त समय भत्तासहित भत्ता खारेज गरेको छु ।” सरकारले आगामी आर्थिक वर्षमा कर्मचारीका लागि नयाँ दरबन्दी स्वीकृत नगर्ने नीति पनि बजेटमार्फत सार्वजनिक गरेको छ । “सबै सरकारी सेवा, नियामक निकाय र सार्वजनिक संस्थानमा आगामी आर्थिक वर्ष नयाँ संरचना र दरबन्दी सिर्जना गरिने छैन,” अर्थमन्त्रीले भनेका…
काठमाडौं : इण्डियन प्रिमियर लिग (आईपीएल) को उपाधि चेन्नई सुपर किङ्सले जितेको छ। गएराति सम्पन्न फाइनल खेलमा गुजरात टाइटन्सलाई ५ विकेटले हराउदै चेन्नईले पाँचौं पटक आईपीएलको उपाधि जितेको हो। वर्षाका कारण १५ ओभरमा घटाइएको खेलमा चेन्नईका लागि १५ ओभरमा १७१ रनको लक्ष्य तय गरिएको थियो। जुन चेन्नईले ५ विकेट गुमाएर पुरा गरेको थियो। चेन्नइका लागि डेभिड कन्वेले ४७ रन बनाउँदा ओपनर ऋतुराजले २६ रन बनाए। त्यस्तै अजिक्य रहाणेले २७ बनाए भने शिभम दुबे ३२ रनमा नटआउट रहे। गुजराजका मोहित शर्माले तीन तथा नुर अहमदले २ विकेट लिए पनि हारलाई टार्न सकेनन्। त्यसअघि टस हारेर पहिला ब्याटिंग गरेको गुजरात टाइटन्सले २० ओभरमा ४…
काठमाडौँ: हाल देशमा पश्चिमी निम्न चापीय प्रणालीको साथै स्थानीय वायुको प्रभाव रहेको मौसम पूर्वानुमान महाशाखाले जनाएको छ । जसको प्रभावले सुदूरपश्चिम र कर्णाली प्रदेश लगायत देशका पहाडी भू-भागहरूमा आंशिक बदली रहेको छ। आज दिउँसो सुदूरपश्चिम र कर्णाली प्रदेश लगायत लुम्बिनी, गण्डकी, बागमती र कोशी प्रदेशका पहाडी भूभागमा आंशिक देखि सामान्य बदली रहनेछ। सुदूरपश्चिम र कर्णाली प्रदेशका थोरै स्थानहरुमा तथा बाँकी पहाडी भू-भागका एक–दुई स्थानमा चट्याङ्गसहित हल्का वर्षाको सम्भावना रहेको छ। राति भने सुदूरपश्चिम, कर्णाली र गण्डकी प्रदेशका पहाडी भू-भागमा चट्याङ्गसहित हल्का वर्षाको सम्भावना रहेको महाशाखाले जनाएको छ ।
धनगढी : नेपालका टिकटकर आयुषसिंह ठकुरीलाई भेट्न पाकिस्तानकी टिकटकर अलिजेह जमाली नेपाल आएकी छन् ।टिकटक लाइभमा लोकप्रिय रहेका यी जोडी आइतबार प्रत्यक्षरुपमा भेटघाट गरेका छन् । टिकटकबाट प्रेम सम्बन्धमा रहेका थिए । आइतबार पाकिस्तानकी टिकटकर अलिजेह जमाली नेपाली टिकटकर आयुषसिंह ठकुरीलाई भेट्न काठमाडौ पुगेकी हुन् । उनीसंगै उनकी आमा र बहिनी पनि नेपाल आएकी छन् । आयुष र अलिजेहसॅंगै टिकटक लाइभमा २ लाख २५ हजार जना हेरेका थिए सो अवसरमा दुबै परिवारले टिकटक सेलिब्रेट गरेका थिए । टिकटकर आयुषसिंह ठकुरीले फेसबुकमा राखेको एक भिडियोमा आयुशले अलिजेहलाई औंठी लगाएको देखिन्छ । पाकिस्तानकी टिकटकर अलिजेह हाल दुबईमा बस्दै आएकी थिइन् । टिकटकमा…
धनगढी – गणतन्त्र दिवसको अवसरमा धनगढीमा अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी) ले रक्तदान कार्यक्रम सम्पन्न गरेको छ । नेकपा माओवादी केन्द्र निकट अखिल क्रान्तिकारीले धनगढीको पार्क मोडमा रत्तदान कार्यक्रमको आयोजना गरेको हो । क्रान्तिकारीका प्रदेश कमिटि अध्यक्ष दिपक डिसीले रक्तदान कार्यक्रममा सहभागी भएर ३५ जनाले रगत दान गरेको जानकारी दिए । रक्तरञ्जित क्रान्तिकारीको इतिहासलाई ब्युँताउने उद्देश्यले गणतन्त्र दिवसमा रक्तदान कार्यक्रम आयोजना गरिएको उनले बताए ।
धनगढी: पछिल्लो समय कैलाली जिल्लामा लागुऔषध प्रयोगकर्ता, कारोबारी तथा ओसारपसारकर्ता बढेको पाइएको छ। विषेशगरी सुदूरपश्चिम प्रदेशको अस्थायी मुकाम समेत रहेको धनगढीमा प्रहरीले ड्रग (लागुऔषध) ओसारपसार रोक्न तथा नियन्त्रण गर्न प्रहरीले अथक प्रयास गरिरहेको जनाएको छ। सुदूरपश्चिम प्रदेश प्रहरीका प्रमुख डिआइजी भरतबहादुर बोहराले कैलालीमा ड्रग नियन्त्रण गर्न प्रहरी क्रियाशील रहेको जानकारी दिए। हिजो (आइतबार) पत्रकारसँगको भेटघाट कार्यक्रममा उनले यस्तो बताएका हुन्। यस्तै उनले धनगढीमा अहिलेसम्म ड्रगको कारोबार गर्ने डिलर नै नभएको ठोकुवा गरेका छन्। उनले भारत (पारी गौरिफन्टा, पलिया) बाटै ड्रग सप्लाई हुने गरेको दाबी गरे। पारीबाट नै सप्लाई हुने भएकाले लागुऔषधको जालो तोड्न समस्या भैरहेको उनको भनाई छ।
काठमाडौं – आगामी आर्थिक वर्ष २०८०/८१ को बजेट १७ खर्ब ५१ अर्ब ३१ करोड रुपैयाँ बराबरको हुने भएको छ। सोमबार संघीय संसदलाई सम्बोधन गर्दै अर्थमन्त्री डा प्रकाशरण महतले सो बजेट घोषणा गरेका हुन्। जसमा चालुतर्फ ११ खर्ब ४१ अर्ब ७८ करोड, पुँजीगततर्फ ३ खर्ब २ अर्ब ७ करोड र वित्तीय व्यवस्थापन तर्फ ३ खर्ब ७ अर्ब ४५ करोड रुपैयाँ रहेको अर्थमन्त्री महतले जानकारी दिए। सरकारले खर्च कटौतीको योजनासहित बजेट ल्याएको छ। जसअनुसार आर्थिक मन्दीतर्फ उन्मुख अर्थतन्त्रलाई चलायमान बनाउने लक्ष्य बजेटले लिएको छ। यस्ताे छ पूर्णपाठ : बजेट-बक्तव्य-२०८०-FinalDownload
धनगढी: कञ्चनपुरको महेन्द्रनगरस्थित बसपार्क क्षेत्रबाट ८ जना जुवाडे समातिएका छन्। जिल्ला प्रहरी कार्यालय स्रोतका अनुसार पक्राउ पर्नेमा भीमदत्त नगरपालिका वडा नम्बर ११ का वडाध्यक्ष प्रकाश थापासहितका ८ जना छन्। उनीहरुलाई जुवा खेलिरहेको अवस्थामा पक्राउ गरिएको थियो। थापा नेपाली कांग्रेसबाट निर्वाचित वडाध्यक्ष हुन्। जुवाको खालबाट डेढ लाख जति रकम पनि बरामद गरिएको बताइएको छ।