धनगढीः धनगढीको फूलबारी क्षेत्रमा तीन वटा हाइमास्ट लाइट जडान गरिएको छ। धनगढी उपमहानगरपालिकाले ६ लाख ५० हजारका दरले तीन वटा हाइमास्ट लाइट जडान गरिएको हो। वडा नम्बर १४, १८ र १९ मा हाइमास्ट लाइट जडान गरिएको धनगढी उपमहानगरपालिकाका नगर प्रमुख गोपाल हमालको निजी सचिवालयले जनाएको छ। स्याउले बजार, डिपो बजार र पच्चिस घरमा हाइमास्ट लाइट जडान गरेर शनिवार उद्घाटन गरिको छ। लाइट जडानपछि उक्त क्षेत्रमा रातिको समयमा हुने अपराधिक क्रियाकलप कम हुने अपेक्षा गरिएको छ भने हुलाकी राजमार्ग झिलिमिली भएको छ।
Author: महेन्द्रनगर पोष्ट
धनकुटा । धनकुटाको चौविसे गाउँपालिका–५ बोधेस्थित जंगलमा चितुवाको आक्रमणबाट तीन जना घाइते भएका छन् । घाइते हुनेहरुमा २६ वर्षीय मुकेश याखा, ३० वर्षीय भुवन याखा र ३३ वर्षीय पविन याखा रहेको प्रहरीले जनाएको छ । शनिबार अपराह्न मौनाखोला नजिकको जंगलमा सुँगुरलाई चारो खोज्ने क्रममा उनीहरु चितुवाको आक्रमणमा परेको प्रहरीको भनाइ छ । घाइतेमध्ये पविनको स्थानीय मेडिकलमा उपचार गरिएको छ भने मुकेश र भुवनको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ । सुरुमा मुकेशलाई चितुवाले आक्रमण गर्दा छुट्याउने क्रममा अन्य घाइते भएको जनाइएको छ ।
धनगढीः कैलालीको धनगढीस्थित एक खाद्य स्टोरमा आगलागी भएको छ। हिजो (शनिवार)राति धनगढी उपमहानगरपालिकाको वडा नम्बर ४ उत्तरबेहडीको पिपि ट्रेडर्समा आगलागी भएको हो। जिल्ला प्रहरी कार्यालय कैलालीका अनुसार कृष्णदत्त पाण्डेले सञ्चालन गरेको उक्त स्टोरमा विद्युतको तार सर्ट भएर आगलागी भएको हो। आगलागीबाट स्टोरभित्र रहेको गोदाम पूर्ण रुपमा नष्ट भएको र त्यहाँ रहेका चामल, भुजा, खाने तेल, फ्रुटी, चिउरा, चाउचाउलगाएतका सम्पूर्ण खाद्य सामान जलेको प्रहरीले जनाएको छ। आगलागीबाट झन्डै ६ करोडको क्षति भएको सञ्चालकको दाबी छ। तर प्रहरीले भने प्राविधिकले क्षति विवरण संकलन गरिरहेको बताएको छ। धनगढी उपमहानगरपालिकाको २ वटा दमकल, नेपाल प्रहरी, सशस्त्र प्रहरी र स्थानीयको सहयोगमा आगो नियन्त्रणमा ल्याइएको थियो।
सप्तरी: सप्तरीको रुपनी गाउँपालिका-१ स्थित खेतमा हत्या गरिएको अवस्थामा एक युवकको शव फेला परेको छ । म शम्भुनाथ नगरपालिका-२ का २४ वर्षीय मो. तफेजुलको शव फेला परेको स्थानीयले जानकारी दिएका छन्। रातिमा कुटपिट गरी उनको हत्या गरिएको देखिएको प्रहरीले जनाएको छ। घटनास्थल पुगेको प्रहरीले शव पोस्टमार्टमका लागि प्रादेशिक अस्पताल राजविराज लग्ने र अनुसन्धान गरिरहेको जनाएको छ।
काठमाडौं: काठमाडौं महानगरपालिकाका मेयर बालेन शाहले भ्रष्टाचारीलाई बाग्मतीमा चोपल्न आग्रह गरेका छन् । सामाजिक सञ्जालमा अनेक कुरा लेख्ने मेयर शाहले यस पटक भने भ्रष्टाचारी विरुद्धमा मुख खोलेका छन् । उनले भ्रष्टाचार विरुद्ध प्रदर्शन गर्ने होइन, सिधै कारबाहीमा जानु पर्ने जनाएका छन् । ‘तपाईँहरूलाई यत्रो भोट दिएर नेता बनाएको आन्दोलन गर्नलाई हैन, सिधै कारबाही गर्नलाई हो, सिधै कारबाही गर्ने नीति बनाउनलाई हो ।’ उनले फेसबुकमा लेखेका छन्, ‘भ्रष्टाचार विरुद्धको आन्दोलन ? को नेता हो थाह छ ? घर कहाँ हो थाह छ ? सिधै लगेर बागमतीमा चोपाल्नुस् । यस्तो सडक नाटक धेरै देखी सक्यो हाम्ले । पत्याउँदिन म चाहिँ । तपाईँहरूलाई…
धनगढी: नेपाल प्रहरीका पूर्व एसएसपी लब विष्टले कांग्रेस नेतृ डा. आरजु देउवाप्रति लक्षित गर्दै पैसाको बिटोसहित नभेट्दा बढुवा हुनबाट बन्चीत भएको आरोप लगाएका छन्। आरजुको नामै नलिइ उनले बूढानीलकण्ठमा बस्ने भाउजू भनेर इंकित गरेका हुन्। उनले सामाजिक सञ्जालमा स्टाटस लेख्दै आफू प्रहरी सेवामा रहँदा दुई पटक राजनीतिक आक्रमण भएको दाबी गरेका छन् । उनले झुटा डाँका मुद्दा दर्ता नगर्दा २०४७ मा सप्तरीबाट २४ घन्टामा दार्चुला सरूवा गरेको उनले बताएका छन् । यस्तै कार्य सम्पादनमा अब्बल हुँदाहुँदै पनि नोटको बिटोसहित विमलेन्द्र निधिमार्फत बूढानीलकण्ठ बस्ने भाउजूलाई चाकडी गर्न नमान्दा बढुवा हुनबाट बन्चीत भएको र अवधि नै नपुगी प्रहरी सेवाबाट हट्नुपरेको बताएका छन् ।
कैलाली: कैलालीको टीकापुर नगरपालिका अन्तर्गतका सामुदायिक विद्यालयका शिक्षकहरू आजभोलि व्यस्त छन् ।उनीहरू दैनिक विद्यालयमा शिक्षण गर्छन् भने फुर्सदका समयमा वार्षिक शैक्षणिक योजना बनाउन थालेका छन् ।कतिपय विद्यालयका शिक्षकले योजना निर्माण गरिसकेका छन् भने कतिपय शिक्षक योजना निर्माणमा व्यस्त छन् । टीकापुर नगरपालिका शिक्षा, युवा तथा खेलकुद शाखाले शिक्षकले आफूले शिक्षण गर्ने विषयको शैक्षणिक योजना अनिवार्य बनाउनैपर्ने नीति लागू गरेपछि शिक्षकहरू योजना निर्माणमा जुटेका हुन् । आफूले पढ्दा शैक्षणिक योजना निर्माणको अभ्यास गरिसकेकाले खासै गाह्रो महसूस नभएको खड्ग मावि टीकापुरका शिक्षक रामकुमार चौधरीले बताए । ‘मैले आफू विद्यार्थी हुँदा शैक्षणिक योजना बनाएको अनुभव थियो, त्यसैले मलाई खासै गाह्रो भएन,’ उनले भने,…
काठमाडौं: नेपाली कांग्रेसकी नेतृ डा. आरजु राणा देउवाले नक्कली भुटानी शरणार्थी प्रकरणमा आफूले एक पैसा पनि नखाएको बताएकी छिन्। एक टेलिभिजनको कार्यक्रममा उनले भुटानी शरणार्थी प्रकरणमा फेक अडियो बनाएर आफ्नो नाम मुछिएको बताएकी हुन्। उनले नक्कली भुटानी शरणार्थी प्रकरणमा आफलेू कसैको एक पैसा पनि नखाएको बताइन्। उनले भनिन् ‘म मेरो छोरो जयविरको कसम खाएर भन्छु भुटानी शरणार्थी प्रकरणमा एक पैसा खाएको छैन्।’ उनले भ्रष्ट्राचार गर्नु आमाको रगत खानु सरह भएको समेत बताइन्। यस्तै नेताका कारण नभएर देश कर्मचारीतन्त्रका कारण विकास नभएको समेत बताइन् ।
काठमाडौँ: हाल देशमा स्थानीय वायुको सामान्य प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल देशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहेको छ। गण्डकी तथा कर्णाली प्रदेशका एक-दुई स्थानमा हल्का वर्षा भैरहेको छ। आज दिउँसो देशको पहाडी भू-भागमा आंशिक देखि सामान्य बदली रहनेछ। देशका पहाडी भू-भागका थोरै स्थानमा चट्याङ्गसहित हल्का वर्षाको सम्भावना रहेको छ। राति भने देशको पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली देखि मौसम सामान्यतया सफा रहनेछ। कोशी तथा गण्डकी प्रदेशको थोरै स्थानमा हल्का वर्षाको संभावना रहेको छ।
डडेल्धुरा: डडेल्धुराको अमरगढी नगरपालिका-५ कि भावना ओझा सुत्केरी हुन ३ दिनअघि डडेल्धुरा अस्पताल पुगिन्। तर चिकित्सकले उनको अवस्था जटिल भएको बताए। जिल्लामा उनको ब्लड ग्रुपसँग मिल्ने बी नेगेटिभ रगत पाइएमा मात्रै यहाँ सुत्केरी गराउन सकिने बताएपछि उनको परिवार आत्तियो। आर्थिक अवस्था एकदमै कमजोर भएकी उनको परिवारले रेफर गरिएकी उनलाई धनगढी लैजान नसक्ने कुरा यहाँका केहि युवाले जानकारी पाए। त्यसपछि नेवि संघ(विपी) का सभापति मदन बोहरा नेतृत्वको युवा समूहले बी नेगेटिभ रगतको खोजी गरेको थियो। जिल्ला रेडक्रस सोसाइटीद्वारा संचालित ब्लड बैंकमा समेत उक्त रगत नपाइएपछि चिकित्सकको टोली पनि चिन्तित भएको थियो। रेफर गरिएकी ओझालाई अन्यत्र लैजान नसक्ने अवस्थामा परिवार पुगेकाले आफूहरुलाई…