धनगढी: कञ्चनपुरमा ८ वटा ट्याक्टरसहित ८ जना पक्राउ परेका छन्। अवैध रुपमा नदीजन्य पदार्थ उत्खनन् गरेको भन्दै उनीहरुलाई पक्राउ गरिएको हो। ट्याक्टर चालक मानबहाखुर डगौरा, प्रेम थापा, सुरेश नेपाली, सुकखेव राना, रोशन चौधरी, शिवलाल राना, विष्णु पन्त र दिपेश डगौरालाई पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक उमेश जोशीले जानकारी दिए। ‘प्रहरी चौकी सुडाबाट खटिएको प्रहरी टोलीले बेदकोट नगरपालिका– ५ र ६ को सीमाना घुर्सुवा घाटबाट अवैध रुपमा ढुङगा उत्खनन गरेका ८ वटा ट्याक्टर र चालकलाई नियन्त्रणमा लिइएको हो,’ डीएसपी जोशीले भने, ‘आवश्यक कारबाहीको लागि बेदकोट नगरपालिकाको कार्यालयमा बुझाइएको छ।’
Author: महेन्द्रनगर पोष्ट
काठमाडौं: सर्वोच्च अदालतबाट भ्रष्टाचारी ठहर भएका एक कसुरदारको पेन्सनपट्टा नरोक्न सर्वोच्चले नै अन्तरिम आदेश जारी गरेको छ। न्यायाधीशहरू कुमार चुडाल र अब्दुल अजीज मुसलमानको इजलासले बहुचर्चित सुडान घोटाला प्रकरणका कसुरदारमध्येका एक ओमविक्रम राणाको पेन्सन नरोक्नु भनी अन्तरिम आदेश जारी गरेको हो। अख्तियार दुरुपयोग अनुसन्धान आयोगले भ्रष्टाचारको आरोपमा दोषी ठहर भएकाहरूलाई पेन्सन नदिनु भनी निवृत्तिभरण व्यवस्थापन कार्यालयलाई लेखेको पत्रपछि राणाको पेन्सन रोकिएको थियो। पेन्सन रोकिएको विरोधमा राणाले १७ साउन, २०८१ मा सर्वोच्च अदालतमा रिट निवेदन दर्ता गरेका थिए। रिट निवेदन दर्ता भएको करिब चार महिनापछि सर्वोच्च अदालतले अन्तरिम आदेश जारी गरेको हो। सर्वोच्च अदालतको अन्तरिम आदेशले भ्रष्टाचारको कसुरमा दोषी ठहर भएका…
धनगढी: सुदूरपश्चिममा उपनिर्वाचन सम्पन्न भएको छ। जम्मा ५ स्थानमा चुनाव भएकोमा ४ स्थानमा नेपाली काङ्ग्रेस र एकमा नेकपा एमाले विजयी भएका छन्। यस्तै त्यहाँ चुनाव लडेका १३ जना उम्मेदवारको भने जमानत जफत भएको छ। पाँच स्थानमा उपनिर्वाचन भएकोमा २६ जना उम्मेदवार रहेका थिए। नेकपा माओवादी केन्द्रले चार स्थानमा उम्मेदवार खडा गरेकोमा तीन जनाको जमानत जफत भएको छ। यस्तै राष्ट्रिय स्वतन्त्र पार्टीले दुई स्थानमा उम्मेदवार उठाएकोमा दुबै उम्मेदवारले जमानत जोगाउन सकेनन्। डोटीको पूर्वीचौकी गाउँपालिका–६ मा अध्यक्षकी उम्मेदवार बनेकी रास्वपाकी जानकी कुमारी खड्का कुँवरले ३१ मत मात्रै ल्याउन सकिन्। उनको जमानत जफत भएको छ। पूर्वीचौकी गाउँपालिका–६ मा माओवादी केन्द्रका देवीलाल थापाले २६…
काठमाडौं: नेपाल प्रहरीका एसएसपी माधव श्रेष्ठको काज सरुवा गरिएको छ। आज सोमबार श्रेष्ठको काज सरुवा गरिएको हो। प्रहरी प्रधान कार्यालय नक्सालका प्रवक्ता डीआईजी दानबहादुर कार्कीले एसएसपी श्रेष्ठको काज सरुवा बुटवल तालिम केन्द्रमा भएको जानकारी दिए। उनका अनुसार तालिम केन्द्रका तत्कालीन प्रमुख हिमालय श्रेष्ठको बढुवा भएपछि उनको काज भएको हो। डीआईजीमा बढुवा भएका हिमालयलाई आजमात्रै फूली लगाइएको थियो। उनको पदस्थापन भने हुन बाँकी छ। उनको बढुवापछि भैरहवा विमानस्थलबाट माधवलाई त्यहाँ पठाइएको हो।
काठमाडौं: नेपाल प्रहरीको जिल्ला ट्राफिक प्रहरी कार्यालय रोल्पाका प्रमुख घुससहित रङ्गेहात पक्राउ परेका छन्। आज (सोमबार) कार्यालय प्रमुख सई लालित कुमार बुढाथोकीलाई अख्तियारको टोलीले नियन्त्रणमा लिएको हो। उनलाई अख्तियार दुरुपयोग अनुसन्धान आयोग नेपालगन्जको टोलीले बिहान नियन्त्रणमा लिएको प्रवक्ता झलक केसीले महेन्द्रनगरपोष्टलाई जानकारी दिए। उनका अनुसार सई बुढाथोकीले जिल्लामा यातायात व्यवसायीबाट सहजीकरण गर्ने भन्दै २५ हजार घुस रकम बुझेका थिए। उनलाई सूचनाको आधारमा अख्तियार टोलीले घुससहित समातेको हो। अहिले सो विषयमा थप अनुसन्धान भैरहेको अख्तियार नेपालगन्जका प्रवक्ता केसीले बताए।
काठमाडौं: नेपाल प्रहरीमा एसएसपीबाट डीआइजी पदमा पदोन्नति भएका ८ जना डीआइजीहरू दर्ज्यानी चिन्हद्वारा सुशोभित गर्दै निर्देशन दिइएको छ। नेपाल सरकारको गृहमन्त्रीस्तरको मंसिर १७ गतेको निर्णयअनुसार प्रहरी वरिष्ठ उपरीक्षकबाट प्रहरी नायव महानिरीक्षक पदमा पदोन्नति भएका ८ जनालाई प्रहरी नायव महानिरीक्षकहरू दर्ज्यानी चिन्हद्वारा सुशोभित गरिएको हो। प्रहरी महानिरीक्षक बसन्त बहादुर कुँवरले नेपाल प्रहरी प्रधान कार्यालयमा सोमबार आयोजित एक समारोहबीच उनीहरूलाई दर्ज्यानी चिन्हद्वारा सुशोभन गरेका हुन्। दर्ज्यानी चिन्हद्वारा सुशोभित हुने प्रहरी नायव महानिरीक्षकहरूमा ध्रुबराज राउत, भोला बहादुर रावल, गणेश चन्द, सिद्धि बिक्रम शाह, सुशिल सिंह राठौर, उमा प्रसाद चतुरबेदी, हिमालय कुमार श्रेष्ठ र डम्बर बहादुर बिक रहेका छन्। दर्ज्यानी चिन्ह सुशोभन समारोहलाई सम्बोधन…
धनगढी: सुदूरपश्चिममा पाँच पदका लागि भएको उपनिर्वाचनमा चारमा नेपाली काँग्रेस र एकमा नेकपा एमाले विजयी भएका छन्। काँग्रेसले चार वटै वडा अध्यक्ष पदमा जित हासिल गर्दा एमालेले भने उपाध्यक्षमा चुनाव जितेको छ। उपनिर्वाचन भएका पाँचमध्ये तीन पद (एक उपाध्यक्ष र दुई वडा अध्यक्ष) मा ०७९ सालको निर्वाचनमा नेपाली काँग्रेस विजयी भएको थियो। यस्तै नेकपा एमाले र माओवादी केन्द्रले भने एउटा÷एउटा वडा अध्यक्ष जितेका थिए। बझाङको सुर्मा गाउँपालिका– ४ मा नेपाली काँग्रेसका उम्मेदवार विजयी भएका छन्। ०७९ सालको स्थानीय निर्वाचनमा एमाले उम्मेदवार सर्जन बोहरा वडाध्यक्ष पदमा निर्वाचित भएका थिए। ०८० जेठमा वडाध्यक्ष बोहराको मृत्यु भएपछि उपनिर्वाचन हुँदा त्यहाँ नेपाली काँग्रेसका धिरेन्द्र…
धनगढी: बझाङको सुर्मा गाउँपालिका वडा नम्बर ४ को वडाध्यक्षमा नेपाली काँग्रेसका धिरेन्द्र पुजारा विजयी भएका छन्। यस अघि एमालेले जितेको वडामा कांग्रेसले बाजी मारेको हो। पुजाराले ६ सय ५७ मत प्राप्त गरि विजयी हुँदा उनका निकटतम प्रतिद्वन्द्वी नेकपा एमालेका लखिचन्द्र बोहराले ४ सय ८७ मत प्राप्त गरेका थिए। नेकपा माओवादी केन्द्रका उम्मेदवार पुष्कर बोहराले १७ मत मात्रै पाए। १ हजार ५ सय ५४ मतदाता रहेको यो वडामा एक हजार १ सय ७८ मत खसेको थियो। वडाध्यक्ष सर्जन बोहराको निधन भएपछि रिक्त रहेको वडाध्यक्ष पदमा उपनिर्वाचन भएको हो। यसअघि बोहरा ६२९ मतसहित निर्वाचित हुँदा कांग्रेसका लोकबहादुर बोहराले ६०४ मत पाएका थिए।
धनगढी: बाजुराको स्वामिकार्तिक खापर गाउँपालिकामा नेकपा एमालेकी उम्मेदवार विजयी भएकी छ। आइतबार सम्पन्न उपनिर्वाचनको अन्तिम मतपरिणाम अनुसार पालिका उपाध्यक्षमा एमालेकी उम्मेदवार सुलोचना कुमारी भण्डारी बुढा विजयी भएकी हुन्। उनले नेपाली काँग्रेसकी पुल्तिसरा शाहीसँग २६६ मत अन्तरले जितेकी छ। बुढाले १ हजार ७ सय ४० मत प्राप्त गर्दा र निकटतम प्रतिद्वन्दी शाहीले १ हजार ४सय ७४ मत ल्याएकी छन्। यस्तै नेकपा एसकी जवा शाहीले ५५३ मत ल्याइन्। यस अघि यो पालिकामा उपाध्यक्षमा नेपाली काँग्रेसले जितेको थियो। २०७९ सालकाे निर्वाचनमा विजयी कांग्रेसकी मैनादेवी जाेशीकाे निधन भएपछि स्वामीकार्तिकमा उपनिर्वाचन भएको थियाे।
धनगढी: कञ्चनपुरको भीमदत्त नगरपालिका वडा नम्बर ६ मा नेपाली कांग्रेसका उम्मेदवार विजयी भएका छन्। अन्तिम मत परिणाम अनुसार सुरुदेखि नै अग्रता लिएका नेपाली काँग्रेसका उम्मेदवार विजयी भएका हुन्। आज (आइतबार) राति देखि मतगणना कार्य सुरु भएकोमा सोमबार बिहान सम्पन्न भएको छ। जसअनुसार जम्मा २ हजार ९ सय ९१ मत खसेकोमा काँग्रेसका प्रकाश बहादुर चन्दले १ हजार १ सय ७ मत प्राप्त गर्दै विजयी भएका छन्। त्यस्तै उनका प्रतिद्वन्दी नेकपा एमालेका बहादुर चन्दले ४ सय ८७ मत प्राप्त गरे। उनीहरु काका भतिजसमेत हुन्। जसमा नेपाली काङ्ग्रेसका उम्मेदवार एमाले उम्मेदवारका भतिज हुन्। यस्तै त्यहाँ राप्रपाका उम्मेदवार सुशील कुमार भट्टले ३ सय ६९…